Дортмунднинг «Боруссия» жамоаси «олтин дубл»га эришди

Рукн: Янгиликлар » ЕВРОПА Кеча Дортмунднинг “Боруссия” ҳамда
Мюнхеннинг “Бавария” жамоалари ўртасида Германия
Кубогининг финал учрашуви бўлиб ўтди. Унда дортмундликлар
йирик 5:2 ҳисобида ғалаба қозонишди. “Боруссия”нинг
япониялик легионери Кагава 3-дақиқада бошлаб берган голлар
шоусини Хуммельс 41-дақиқада пенальтидан тўп киритиб, давом
эттирган бўлса, шунда сўнг Левандовскини тўхтатиб бўлмай
қолди. У мазкур учрашувда хет-трикка эришди. Кимсан Мануэль
Нойер қўриқлаган дарвозага учта тўп йўллашга муваффақ
бўлди. Мюнхенликлардан бу голлрга Роббен ва Риберилар
жавоб қайтаришди. Шуни ҳам алоҳида таъкидлаш керакки,
Дортмунднинг “Боруссия” жамоаси ўз тарихида биринчи бор
битта мавсумда ҳам чемпионатда, ҳам Германия Кубогида ғалаба
қозонди. Дортмундликлар 1965 ва 1989 йиллари мамлакат
Кубогини қўлга киритишган. Аммо ўша мавсумларда чемпионлик
уларга насиб қилмаган. Боруссия Д – Бавария 5:2 (3:1, 2:1)
Голлар: 1:0 - Кагава (3), 1:1 - Роббен (25, пенальти), 2:1 - Хуммельс
(41, пенальти), 3:1 - Левандовски (45), 4:1 - Левандовски (58), 4:2 -
Рибери (76), 5:2 - Левандовски (81). “Боруссия Д”: Вайденфеллер
(Лэнгерак, 34), Шмельцер, Хуммельс, Суботич, Пишчек, Кель,
Гундоган, Кагава (Бендер, 81), Блашчиковски (Перишич, 84),
Левандовски, Гросскройтц. “Бавария”: Нойер, Дж. Боатенг, Л.
Густаво (Мюллер, 46), Бадштубер, Лам, Рибери, Алаба (Контенто,
69), Кроос, Швайнштайгер, Роббен, Гомес.
Огоҳлантиришлар:Вайденфеллер (24), Бадштубер (51),
Швайнштайгер (70), Хуммельс (83), Гомес (88).
#новости