Предыдущая публикация
16:30 03-06-2011
Eldar Qasımov və Nigar Camal: “Təklif olunsa, yenidən “Eurovision” müsabiqəsində iştirak edərik”
Sabah Eldar 22 yaşını qeyd edəcək
Bakı. Ülkər Qasımova-APA. “Əgər bizə təklif olunsa, biz yenidən “Eurovision” müsabiqəsində iştirak etməkdən şad olarıq. Axı bu bizim həyatımızda ən unudulmaz hadisədir”. APA-nın Rusiya mətbuatına istinadən yaydığı xəbərə görə, bu sözləri 56-cı “Eurovision” müsabiqəsində qalib gəlmiş Azərbaycan təmsilçiləri Eldar Qasımov və Nigar Camal deyib. Qaliblər bu çıxışı Moskvada onların şərəfinə keçirilən ziyafətdə əvvəl Rusiya media mənsubları ilə görüşlərində bildiriblər. Eldar və Nigar hətta gələni ilin mayında Bakıda keçiriləcək “Eurovision-2012”də də iştirak etmək təklifi olarsa, bunu da müsbət dəyərləndirəcəklərini qeyd ediblər. Azərbaycana qalibiyyət gətirən cütlük Almaniyanı iki ilə sərasər təmsil edən Lena Mayerin hərəkətini təkrarlamaq istəyindədirlər: “Biz yenidən Azərbaycanı bu müsabiqədə təmsil etməyə layiq görülsək, bundan ancaq fəxr hissi keçirərik. Biz yenidən qalib gəlməyə hazırıq”.
Sabah öz 22 yaşını qeyd edəcək Eldar Qasımov, bununla bağlı ona ünvanlanan suallara da cavab verib. Ad günü ərəfəsində kimdən hədiyyə aldığı sualına Eldar “artıq xalqımdan hədiyyə almışam” deyib və bildirib ki, bu müsabiqədə həm Azərbaycanın qələbəsi, həm də xalqın sevinci onun üçün ən böyük hədiyyədir. Bu gün Avropanın diqqət mərkəzində olan Azərbaycanın gənc ifaçısı bəzi sirlərini də açıqlayıb: “Ən çox boğazımın ağrımasından, səsimin tutulmasından qorxuram. Siqaret isə ümumiyyətlə çəkmirəm. Ötən ilə qədər bir neçə dəfə siqaret çəkmişəm.
#новости
Следующая публикация
Нет комментариев