2013 թ.

Նոյեմբերի 26-29 Վլ.Ավագյանի անվ. բժշկական կենտրոնում պրոֆ. Այման Մոֆթին կընդունի ռևմատոլոգիական հիվանդություններով տառապող հիվանդների, ընդունելությունը կատարվելու է նախնական գրանցումով, մանրամասների համար զանգահարեք 091-15-83-43
Վլ. Ավագյանի անվ. բժշկական կենտրոնը շարունակում է արդեն ավանդույթ դարձած համագործակցությունների շարքը իրենց մասնագիտության մեջ մեծ ճանաչում ունեցող արտասահմանցի բժիշկների հետ: Հերթական գործնական այցով Հայաստան է ժամանելու Քլիվլենդի (Օհայո, ԱՄՆ) և Ջորջթաունի (Վաշինգտոն, ԱՄՆ) համալսարանների շրջանավարտ, Ջեքսոնվիլի (Ֆլորիդա, ԱՄՆ) համալսարանի պրոֆեսոր Այման Մոֆթին: Պրոֆ. Մոֆթին երկար տարիներ զբաղվում է ռևմատոլոգիական հիվանդությունների բուժմամբ, ղեկավարել է բազում գիտական և ուսումնական ծրագրեր ռևմատոլոգիայի բնագավառում ԱՄՆ տարբեր հայտնի կլինիկաներում, անդամակցել է և ղեկավար պաշտոններ է զբաղեցրել ռևմատոլոգիական ասոցիացիաներում: Հետագայում մասնագիտական գործունեություն է ծավալել նաև Արաբական Միացյալ Էմիրություններում (ԱՄԻ) և Սիրիայում: Հիմնադրել և երկար տարիներ ղեկավարել է Էմիրաթների ռևմատոլոգների ակումբը, 2010թ.-ից հիմնադրել և մինչ այժմ ղեկավարում է Արթրիտների և ոսկրերի Ալ Բիրաա կլինիկան (ԱՄԷ, Դուբայ): Բազմաթիվ դասախոսությունների, գիտական աշխատանքների և հրատարակումների հեղինակ է: Պրոֆեսոր Մոֆթին իր այցի շրջանակներում, Վլ. Ավագյանի անվան բժշկական կենտրոնում, կընդունի ռևմատոլոգիական հիվանդություններով տառապող հիվանդների, կկատարվի խորհրդատվություն (կնշանակվեն բուժումներ).
• անտիֆոսֆոլիպիդային համախտանիշ,
• մեջքի և պարանոցի ցավեր,
• կարպալ թունելի համախտանիշ,
• ֆիբրոմիալգիա, դերմատոմիոզիտներ (յուվենիլ),
• բորբոքային և մետաբոլիկ միոպաթիաներ,
• ռևմատիկ պոլիմիալգիա,
• գերշարժունություն (յուվենիլ),
• յուվենիլ, փսորիատիկ, ռեակտիվ և ռևմատոիդ արթրիտներ,
• սպոնդիլոարթրիտներ,
• պոդագրա և փսևդոպոդագրա,
• ողնաշարի ստենոզներ, Շեգրենի հիվանդություն,
• կարմիր գայլախտ, համակարգային էրիթեմատոզ կարմիր գայլախտ (յուվենիլ),
• սկլերոդերմիա, տեղայնացված սկլերոդերմիա (յուվենիլ),
• Լայմի հիվանդություն,
• օստեոարթրիտներ, օստեոնեկրոզներ, օստեոպորոզներ,
• գլյուկոկորտիկոիդ կախյալ օստեոպորոզ,
• Պեջետի հիվանդություն,
• Միջերկրածովյան ընտանեկան տենդ (յուվենիլ), պարբերական հիվանդություն,
• աֆտոզ ստոմատիտ, ֆարինգիտ, ադենիտային համախտանիշ (յուվենիլ),
• տենդինիտներ և բուրսիտներ,
• Տակայասուի արտերիիտ, գիգանտաբջջային արտերիիտ,
• Վեգեների գրանուլեմատոզ,
• վասկուլիտներ,
• և այլ հիվանդությունների կապակցությամբ:
Անհրաժեշտության դեպքում կկատարվեն ներհոդային ներարկումներ, պունկցիաներ, փափուկ հյուսվածքների, մկանների թիրախ կետերի, ջլերի ներարկումներ և այլն: Պարոն Մոֆթին տպավորված է Հայաստանով, հայկական հյուրընկալությամբ, ավանդույթներով, հայկական խոհանոցով, գեղատեսիլ բնությամբ, ինչպես նաև հայ բժիշկների բարձր մասնագիտական և մարդկային ունակություններով: Պրոֆ. Մոֆթիի այցելությունները և նրա հսկողության տակ գտնվող հիվանդների բուժումները կրելու են շարունակական բնույթ: Մեծանուն ռևմատոլոգի առաջիկա այցը պլանավորվում է 2013թ. նոյեմբեր ամսին, հիվանդների ընդունելությունը կատարվելու է պարտադիր նախնական հերթագրմամբ:
Մանրամասն տեղեկությունների և պրոֆ. Մոֆթիի խորհրդատվություններին գրանցվելու համար կարող եք. զանգահարել 091-15-83-43 հեռախոսահամարով, կամ գրել tigka@mail.ru էլ. հասցեով: