Мәтәм көне бүген авылда,
Яу кырыннан солдат кайтмады.
Тугры калып биргән антына,
Ватан чиген илдә яклады
Елый урам, елый аналар,
Озатканда газиз баласын.
Каян алып күркәм сабырлык,
Басырга соң йөрәк ярасын.
Икенче ел сугыш утыннан,
Кайта бары цинк табутлар.
Кем бирер соң безгә җавапны,
Бу сугыш соң кайчан бер туктар?!
Ник тилмерә ялгыз аналар,
Нигә арта илдә ятимнәр.
Тол хатынның килеп янына,
Кем куяр соң таяныр иңнәр?!
Күпме тагын, күпме әйтегез?
Газап чигәр гади бу халык.
Беләсезме үлем кулыннан,
Солдатларны булмый бит алып.
Я бер Раббым, кичер гөнахын,
Кан коючы һарбер адәмнең.
Инде язып сугыш турында,
Арды минем кара каләмем.
Гөлнар Әхмәтҗанова, Чүпрәле районы, Иске Ишле авылы. 22.06.2924 нче ел. Вакыты 04:08
Присоединяйтесь к ОК, чтобы подписаться на группу и комментировать публикации.
Нет комментариев