Язучы автор хаклы иде. Чыннан да, бәет ул мәрхүм кеше тарафыннан әйтелгән сүзлар булырга тиеш. Бүгенге таң алдыннан язылган(чыннан да бәет) якыннарын вакытсыз калдырып бакыйлыкка күчкән мәрхүмнәребез рухына багышлансын иде. Аллаһы тәгалә үзе дөресләп кабул кылсын🙏🙏🙏
Елама син әнием, елама,
Өзелгәнгә минем гомерем.
Беләм бары киткән җиремнән,
Кире кайту мөмкин түгелен.
Минме теләмәдем дөньяда,
Матур итеп көлеп яшәргә?!
Калмады шул сиңа әнием,
"Балам"- диеп, назлап дәшәргә.
Өмет хыялларым бик күп иде,
Максатларга барып җитмәдем.
Ышандым мин якты киләчәккә,
Килер диеп, үлем көтмәдем.
Инде менә сездән аерылып,,
Бер ялгызым гүрдә ятамын.
Әйтегезче исән калганнар,
Таңнар хаман матур атамы?
Әйтегезче мин йөрегән юллар,
Хаман шулай тигез, такырмы?
Өзелеп - өзелеп сезне сагынгач,
Рухым гына очып кайтырмы?
Әни бәгърем, өметеңне өзеп,
Алып киттем синнән бар назны.
Каршылыйсым килә исән булып,
Шау чәчәккә чумган ак язны.
Бу сүзларем соңгы амәнәт,
Дога кылып искә алыгыз.
Үкенмичә узган гомергә,
Максатларга туры барыгыз.
Кадерләгез якыннарны җирдә,
Авыр сүзләр юкка әйтмәгез.
Безнең өчен тагын бик күп еллар,
Жир йөзендә көлеп яшәгез.
Гөлнар Әхмәтҗанова, Чүпрәле районы, Иске Ишле авылы. 13.06.2024 нче ел.
Присоединяйтесь к ОК, чтобы подписаться на группу и комментировать публикации.
Комментарии 2