Предыдущая публикация
КИМ ИТМӘГЕЗ ЯЛГЫЗ ЯРЛАРНЫ
Уйламагыз зинхар ялгыш та,
Жилбәзәккә саный күрмәгез.
Ялгызларга түшәк кирәкми,
Гайбәтләргә безне төрмәгез.
Җылы эзли бары җаныбыз,
Таянырдай көчле иңнәрне.
Ялгызлыкка күнми берәү дә,
Эзли хаман, эзли тиңнәрне.
Уйламагыз тормыш барышын,
Безгә шулай тиеш, димәгез.
Яратмагач, күңел тартмагач,
Сөям диеп сөйләп йөрмәгез.
Нахак сүзләр, гайбәт, барысын,
Ишетергә авыр, белегез.
Күз яшьләрен сөртеп күзләрдән,
Матур итеп һәрчак көлегез.
Сорамыйбыз ярдәм, кирәкми,
Тиеш түгел беркем бу җирдә.
Яшик бары, яшик аңлашып,
Тату булып бергә гомергә.
Гөлнар Әхмәтҗанова, Чүпрәле районы, Иске Ишле авылы.
Следующая публикация
Нет комментариев