Даволковонь кемсисемгеце чистэ Сараношсо, ютавтозель васенце ванкшнома кавто эрзя ломанень чумондомадонть.

Вейкесь эйстэст Нуянь Видяз (Четвергов Евгений Владимирович) 91 ие, эрзянь содавикс, сёрмадей, «Эрзя раськень идемань лезэпаргонь» юровтыцязо, кона ламо иень перть ульнесь «Эрзянь Мастор» кулялопанть прявт редакторокс. Омбоцесь Йогань Минька (Четвергов Михаил Антонович) 76 иеть, эрзянь содавикс тевендей, кона, аламодо а весе, эрямонзо путызе эрзянь келень, эрзянь раськень идемантень-велмевтемантень. Содавикс эрзя Раськень Озксонь анокстыця-ютавтыцятнень ютксо. Кавонест а пелицят, эсь мелень а кекшицят, видестэ кортыцят.
Те ульнесь анокстамонь кортамот, косо ёвтазель, кода карми ютавтовомо чумонь ванкшномась, кить чумовтыцятне, идицятне, чумонь онкстыцятне. Омбоце ванкшномась карми ютавтовомо даволковонь 26-це чистэнть секе таркасонть: Саран ош, 70 иеть Ожоковонь песэнть-куринкасонть, 77-це кудосонть. Ушодовить ванкшноматне 14-це чассто.. Кавто эрзятнень, вейкентень 91 ие, омбоцесь 76 иесэ, чумондыть экстремизмасо.