Баштанадым!

Алтай уктуу Адалар-Агалар,
Араайын отурып сананаактар!
Темир будушту теленит алыптар,
Теемjинип оро тартынаактар!
Кара башту каруу карындаштар,
Кайра баштанып кайкап корооктор!
Кандый да катуу кызаландар келдибе деп,
Коштой отурып кожо шуужектер!
Ачуу-коронго тушкен чилеп,
Ачуу-ашты не амзайдыс?
Айыл-jуртыс артаган чылап,
Айлыстан чыгып не базадыс?
Бала-баркаас jок неме чилеп,
Барлар ээжигин не кудедис?
Байлуу Алтайыс артаган чылап,
Баажысты ачууга не сугадыс?
Ачуу аштан суузаган чылап,
Акча сурап не салазыс?
Анаар дерге атанган чылап,
Аажынып, амзанып не jуредис?
Каруу Энеестин баажын агартпай,
Кайра баштанып сагышту jуреектер!
Кара неменин ажын амзабай,
Карыган Энеести кысканып jуреектер!
Ачуу-ашты ары таштап,
Адаларыстын jерине андап бараактар!
Алкы сынду уугысты ээчидип,
Алтайысты аjарып коргузип береектер!
Улаган jеристи уйатка тужурбей,
Улус болуп суу-кадык jуреектер!
Улуу-Каанын уугы мен деп,
Уулдарысты кичееп оскурип салаактар