Предыдущая публикация
Հայի Գենի 7-րդ տեսանյութը նվիրված է Հայրենական պատերազմի հաղթանակի 75 ամյակին, որի կապակցությամբ շնորհավորում եմ բոլորիս։ Տեսանյութը անդրադարձ է 89-րդ Թամանյան դիվիզիային։ 89-րդ հայկական հրաձգային դիվիզիա, լրիվ անվանումը՝ Հայկական 89-րդ Թամանյան կարմրադրոշ, Կուտուզովի II աստիճանի շքանշանակիր հրաձգային դիվիզիա, կազմավորվել է 1941 թվականի դեկտեմբերին, Երևանում՝ 45-րդ բանակի կազմում։ Իր ցնցող մարտական ուղին սկսելով Գրոզնի քաղաքի մատույցներից՝ հասել է մինչև Բեռլին և մասնակցել գրավմանը։ Նա միակ ազգային դիվիզիան էր Բեռլինը գրաված Կարմիր բանակի կազմում։ Դիվիզիայի 9 ռազմիկ արժանացել է Խորհրդային Միության հերոսի կոչման, 8-ը՝ դարձել Փառքի շքանշանի լրիվ ասպետ։ Դիվիզիայի կազմում է հերոսացել Հունան Ավետիսյանը։ 1945-ի աշնանը դիվիզիան վերադարձել է Հայաստան։ Կազմացրվել է 1956 թվականին։
https://www.youtube.com/watch?v=N-zjPcVLtck&t=8s
Следующая публикация
Нет комментариев