Предыдущая публикация
Муҳлати мушаххаси Русия ба шаҳрвандони хориҷӣ барои дастрас намудани ҳуҷҷатҳои қонунӣ
Мақомоти корҳои дохилии Федератсияи Русия аризаҳоро оид ба дароз кардани муҳлатҳои иқомат аз шаҳрвандони хориҷие қабул мекунад, ки ҳуҷҷатҳои қонунии иқомат надоранд.
Ба гузориши матбаъ:
Аз 1 январ то 30 апрели соли 2025 ҳар шаҳрванди хориҷӣ, ки қоидаҳои иқоматро вайрон кардааст, барои танзими вазъи ҳуқуқии худ бояд ба мақомоти минтақавӣ оид ба масъалаҳои муҳоҷирати Вазорати корҳои дохилии Русия ё намояндагиҳои Муассисаи федералии воҳиди давлатии «Хадамоти шиносномадиҳӣ ва раводид»-и Вазорати корҳои дохилии Русия дар ҷойи иқомати худ муроҷиат кунад, зеро 1 майи соли 2025 ҳалли он ғайриимкон мегардад. Дар ин хусус Вазорати меҳнат, муҳоҷират ва шуғли аҳолии Ҷумҳурии Тоҷикистон хабар медиҳад.
Вазорати меҳнат, муҳоҷират ва шуғли аҳолӣ ба таваҷҷуҳи шаҳрвандони Ҷумҳурии Тоҷикистон мерасонад, ки Фармони Президенти Федератсияи Русия аз 30 декабри соли 2024 ба пурзӯр кардани назорат дар соҳаи муҳоҷират равона гардидааст. Тибқи он шаҳрвандони хориҷӣ, шахсоне, ки дар қаламрави Федератсияи Русия бо вайрон кардани муҳлати будубош қарор доранд ва ё корфармоёни онҳо метавонанд ба мақомоти корҳои дохилии Федератсияи Русия, аз ҷумла тавассути муассисаҳои ваколатдор (намояндагиҳои Муассисаи федералии воҳиди давлатии «Хадамоти шиносномадиҳӣ ва раводид»-и Вазорати корҳои дохилии Русия, ки қариб дар тамоми минтақаҳои мамлакат фаъолият менамоянд ё Муассисаи давлатии буҷетии ММБ «Сахарово») барои танзими вазъи ҳуқуқӣ ва гирифтани иҷозатномаҳои зарурӣ муроҷиат намоянд. https://tajikpress.com/2025/01/25/%d0%bc%d1%83%d2%b3%d0%bb%d0%b0%d1%82%d0%b8-%d0%bc%d1%83%d1%88%d0%b0%d1%85%d1%85%d0%b0%d1%81%d0%b8-%d1%80%d1%83%d1%81%d0%b8%d1%8f-%d0%b1%d0%b0-%d1%88%d0%b0%d2%b3%d1%80%d0%b2%d0%b0%d0%bd%d0%b4%d0%be/
Следующая публикация
Нет комментариев