Предыдущая публикация
СОТДИМ...
Ҳаммаси жойида, ҳаммаси яхши,
Девона қалбимни, қайтариб олдим.
Мен, сени шунчаки қоғозга ўраб,
Дайди шеърларимга, сотиб юбордим !
Қўрқма, қарғамадим, ўксинмадим ҳам,
Тақдирни лаънатлаб, муштлаганим йўқ.
Исмингни ҳам сотдим, қаламни чарҳлаб,
Эвазига бир чақа сўраганим йўқ !
Майли, ойсиз тунлар меники бўлсин,
Гавжум эмиш тунлар хижрон бозори.
Мен энди савдогар, ишқни ҳам сотдим,
Энди қийнамайди унинг озори !
Кун келиб, унади бағримда бир гул,
Алвон япроқларин, лабга сураман.
Қалбимнинг тубида, сотилмай қолган,
Шеърларимни унга ўқиб бераман !
Гул Баҳор Исроилова.
Бекобод.20.10.2023.
@gulbahor_isroilova
Следующая публикация
Нет комментариев