МЕНДАН КЕЙИН

Кел рахмсиз, шавқатсиз дунё,
Яна қамчинг, қонсирадими.
Чақавериб тўймаган, гўё,
Чаёнларинг, жонсирадими !
Нима бўлди, яна рангингга,
Ўзгарибди, қоралар суртиб.
Бир, қучоқлаб олиб, бағрингга,
Сўнг, кетарсан, минг бора туртиб !
Захарҳанда қадаминг ташлаб,
Бунча тепдинг, мақсадингни, айт.
Шум, жодугар кампирга ўхшаб,
Сўйлоқ тишинг, чархладингми, айт !
Чидайманда, тишласанг, тишла,
Дунё, сенга кўникиб, бўлдим,
Қирқ ямоқли, ёққамни ушла.
Мен, ёқасиз буғилиб, бўлдим !
Кулсам урдинг, кулмасам кулдинг,
Мендан ўзга, коринг йўқмиди.
Оёғимга, кишанлар солдинг,
Кўз ёшимдан, қорнинг тўқмиди !
Бошгинамга қорлар, ташлаган,
Эй, бевафо дунё, бир қара.
Мендек, сабр тошин тишлаган.
Девонани, кўрдинг қаерда !
Бир кун қолмас, сабр тошим ҳам,
Ғичирлатиб еб, тугатарман.
Қолмас хатто, тош юрагим, ҳам.
Узаману, сенга тутарман !
Борим тутай, керагини ол,
Сен тўйсанг бас, оч қолмасанг, бас.
Битта ўкинч, яхшиликла, қол,
Мендан кейин, кулиб турсанг, бас !
Гул Баҳор
Бекобод. 11.12.2022.
@gulbahor_isroilova