fest у Ваўкавыскім і Зельвенскім раёнах дазволіў нам зафіксаваць шмат новых імёнаў і неверагодных гісторыі вясковых музыкантаў.
Мы атрымалі ў карыстанне багаты архіў старых фотаздымкаў, якія хуткім часам з’явяцца ў нашых галерэях на WWW.GRAJ.BY .
У дадатак, гэтым разам нашу ўвагу прыцягнула цікавая рэч. Шмат хто з інфарматараў ўзгадваў, што менавіта жыды-фатографы рабілі здымкі, як у фотаатэлье, так і падчас наведванне з бізнэс-мэтай навакольных вёсак.
На чым палягала такая пэўная і дакладная ідэнтыфікацыя па нацыянальнай прыналежнасці, акрамя тлумачэння "людзі казалі", мы не пачулі. Таму, па-аматарску і ў межах нашага досведу, паспрабавалі пашукаць факты і асцярожна выказаць здагадкі.
.
Дакладна ведаем, што на здымку зафіксаваны гарманіст 1915г.н. Тут яму прыблізна 15-17год. Значыцца фота зроблена ў пачатку 1930-х гг. Як заўсёды, шукаем нейкія подпісы і на адваротным баку фатакартачкі бачым:
.
*********
FOTOGRAFJA
I. JEZIERSKI
Wolkow???? ?????????
*********.
.
Google хуценька нам падкідвае інфармацыю пра нейкага Міхеля Езерскага, жыхара г.Ваўкавыска, які 20 ліпеня 1907г. падае прашенне "Желая открыть... фотографическое заведеніе вместо закрывшегося тамъ такого же заведения г-жи Райхштейнъ..." (да рэчы пра яе і нашчадкаў пісаў раней гродзенскі журналіст Руслан Кулевіч @Rasl Kulevich).
Наша цікаўнасць цягне нас далей, і ў НГАБ г.Гродна мы знаёмімся з поўным тэкстам дазвола:
.
*********
16 Октября 1907г.
Свидѣтельство.
Дано сіе Мѣщанину Михелю Пантіелеву-Хаімову Езерскому вѣ томъ, что ему подъ личной его ответственностью разрѣшается содержать вѣ гор.Волковыскъ фотографическое заведенiе съ правомъ производить снимки, какъ одиночные такъ и группами, но безъ права снимать виды мѣстностей, при чемъ вмѣняется ему Езерскому, въ обязанность въ точности исполнять всѣ, какъ нынѣ существуеющія, такъ и впредь могущія послѣдовать узаконенія и распоряженія Правительства до содержанія фотографическихъ заведеній относящіеся. Причитающійся гербовый сборѣ уплаченъ.
*********
.
Так, ініцыялы імёнаў у подпісе на здымку (1930-х) і ў дазволе (1907г) адрозніваюцца. Але агулам, вельмі верагодна, што гэта нейкі сямейны фота-бізнэс Езерскіх з Ваўкавыска ў пачатку стагоддзя.
Жыццё само спалучыла разам мясцовых вясельных музыкантаў і фатографаў, і гэта спалучэнне існуе ажно да апашняга часу. З высокай ступенню верагонасці, старыя здымкі з штампам " FOTOGRAFJA I. JEZIERSKI " з гэтага рэгіёна яшчэ знойдуцца.
З улікам таго, што прозвішча Езерскі сустракаецца ў Ваўкавыску і зараз, гісторыя можа мець цікавы працяг для мясцовых краязнаўцаў і тых, хто даследуе жыдоўскую культуру і лад жыцця ў штэтлах.
Присоединяйтесь к ОК, чтобы подписаться на группу и комментировать публикации.
Нет комментариев