როგორ მზადდება!
ამ რეცეპტის დამთავრების მერე
წაიკითხეთ ქართული ვერსიაც..უგემრიელესი სააღდგომო პასკის.
ინგრედიენტები:
1/3 ჭიქა თბილი წყალი(45C°)
2 შეკვრა მშრალი აქტიური საფუარი
4 ჭიქა ფქვილი
1/2 ჭიქა თბილი რძე
2/3 ჭიქა შაქარი
4 კვერცხი+3 კვერცხის გული
1 ჩაის კოვზი ვანილის ექსტრაქტი
12 სუფრის კოვზი უმარილო კარაქი
2 ჭიქა ცუკატები(სხვა და სხვა სასურველი ხილის)
2 1/2 ჩაის კოვზი გახეხილი ლიმონის კანი
2 სუფრის კოვზი გახეხილი ფორთოხლის კანი
2 სუფრის კოვზი დამდნარი კარაქი
1 სუფრის კოვზი ნაღები
1) მცირე ზომის თასი გამოავლეთ ცხელი წყლით. ჩაასხით 1/3 ჭიქა თბილი წყალი და ჩაუმატეთ ერთი შეკვრა საფუარი. მისი წყალში გახსნის შემდეგ ჩაუმატეთ 1/2 ჭიქა ფქვილი, შეფუთეთ და გადადგით 30 წუთით, სანამ მოცულობაში არ გაორმაგდება.
შემთბარ რძეს მოაფრქვიეთ დარჩენილი საფუარი და გადადგით, სანამ კარგად გაიხსნება. ამასობაში ერთმანეთს ცალკე შეურიეთ შაქარი, ოთხი კვერცხი, ორი კვერცხის გული და ვანილი. ჩაუმატეთ ჯერ რძიანი, შემდეგ ფქვილიანი მასა და შეურიეთ კარგად.
2) ერთმანეთს შეურიეთ კარაქი და დარჩენილი 3 1/2 ჭიქა ფქვილი ფხვიერი მასის მიღებამდე. ნელ-ნელა ჩაუმატეთ ცომის მასას და 3-4-ჯერ სწრაფად მოურიეთ. შემდეგ ჩაუმატეთ ცუკატები და ციტრუსების გახეხილი კანი. გადაიტანეთ ცომი ცხიმმოსხმულ თასში, დაფარეთ კულინარიული ცელოფნით და დადგით თბილ ადგილას 2-3 საათით(საჭიროა, რომ გაორმაგდეს ცომის მოცულობა).
3) სამ ცალ 7.5სმ ზომის ქაღალდის საცხობ ფორმას შიგნიდან მოაცხეთ 2 სუფრის კოვზი მდნარი კარაქი. გადმოიტანეთ ცომი ფქვილმოყრილ სამუშაო ზედაპირზე და მოზილეთ რამდენიმე წამით. შემდეგ დაყავით ის სამ ნაწილად და აგორგოლავეთ თითოეული ბურთის ფორმის მიღებამდე. მოათავსეთ ისინი ფორმებში და განალაგეთ ერთმანეთისგან 10-10სმ დაშორებით საცხობ ფირფიტაზე. კვლავ გადააფარეთ კულინარიული ცელოფანი და დადგით თბილ ადგილას 2 საათით.
4) გააცხელეთ ღუმელი 200C-მდე(400F). დანის გამოყენებით პასკებს ზემოდან ორი ერთმანეთის მკვეთი ზოლი გაუკეთეთ (X-ის ფორმად). დარჩენილი 1 კვერცხის გული შეურიეთ ნაღებს და წაუსვით პასკებს. საცხობი ფირფიტა შედგით ღუმელის ცენტრში, დაუწიეთ ტემპერატურას 190C-მდე(375F) და აცხვეთ 30 წუთის განმავლობაში. თუ პასკები ძალიან შეყავისფერდებიან ზევიდან, მაშინ ფოლგა უნდა გადააფაროთ. თქვენი პანეტონე გამომცხვარია, თუ ცენტრში ჩარჭობილ ხის ჩხირს ცომი არ ამოყვება ამოღებისას. დადგით ცხაურზე გასაცივებლად.
გემრიელად მიირთვით!
2 - ვერსია ( ქართული)
როგორ მოვამზადოთ,სააღდგომო პასკა
კარგი პასკის გამოსაცხობად მზადება რამოდენიმე დღით ადრე იწყება. პირველ რიგში, პასკისთვის საჭირო ინგრედიენტები უნდა შევიძინოთ და მოვიმარაგოთ. როგორც იცით, პასკა ფორმებში ცხვება, ასე რომ, ფორმების წინასწარ მოძიებაც მოგიწევთ. სახლის პირობებში, ძველი კონსერვის ქილაც გამოდგება პასკი ფორმად…
გამზადებულ ფორმებს ჩავუფინოთ კალკა. გამოცხობისას პასკა ფუვდება და სასურველია, რომ კალკა ფორმაზე ოდნავ მაღალი იყოს. კალკას მოვუსვათ ცხიმი (ზეთი) და დავდგათ სითბოში.
შემადგენლობა:
1,4 კგ. შაქარი
1 ჩ/ჭ წყალი
300 გრ. ქიშმიში
1,1 ლ. რძე
2,5 კგ. ფქვილი
50 გრ. საფუარი
10 ც. კვერცხი
2 შეკვრა მარგარინი
150 გრ. კარაქი
200 გრ. + ზეთი
4 შეკვრა ვანილი (0,8 გრ.)
1 ს/კ მუსკატის კაკალი, ილი, კარდამონი, ლიმონის ცედრა
მარილი
რეცეპტის მომზადების წესი:
1) 0,5 ჩ/ჭ შაქრის ფხვნილისგან და 1 ჩ/ჭ წყლისგან გავაკეთოთ სეროფი. ჩავყაროთ გარჩეული და კარგად გარეცხილი ქიშმიში (300გრ) და ვადუღოთ 5 წთ. მოდუღების შემდეგ ქიშმიში საწურზე დავაწყოთ, სეროფი კი შევინახოთ.
2) ღრმა ქვაბში ჩავასხათ 1 ლიტრი თბილი რძე, 1 ჩ/ჭ შაქარი, 100 გრ ფქვილი, 50 გრ საფუარი (საფუარი გავხსნათ 1 ჩაის ჭიქა რძეში) და ხელით კარგად გავადნოთ, ისე რომ საფუარის ბურთულები დაიშალოს. უნდა იყოს არაჟანის სისქის. დავაფაროთ პოლიეთილენი, დავდგათ თბილ ადგილზე და ვაცალოთ ამოსვლა (დაახლოებით 20 წთ დასჭირდება).
3) ამასობაში მოვზილოთ ცომი. წინასწარ კვერცხის ცილები უნდა შევდგათ საყინულეში, ოღონდ არ გავყინოთ. 10 კვ. გულითა და 0,5 კგ შაქრის ფხვნილით გავაკეთოთ გოგლი-მოგლი.
4) ცალკე ჯამში აცთქვიფოთ ცილები. თქვების დაწყებისას დავამატოთ 1 პატარა კოვზის პირი ლიმონის მჟავა ან მარილი და ვთქვიფოთ სანამ ღრუბელს არ მივიღებთ. დავუმატოთ 500 გრ. შაქარი და გოგლი-მოგლი. გავაგრძელოთ თქვეფა. შევურიოთ წინასწარ სითბოში გამდნარი 2 შეკვრა მარგარინი, 150 გრ კარქი, 200 გრ ზეთი, საფუარიანი ცომი (თავიდან რომ მოვამზადეთ) და ხელით სათუთად ვურიოთ. დავუმატოთ 4 ც. ვანილი და ქიშმიში (300 გრ. სეროფში რომ მოვამზადეთ). პარალელურად ვურევთ. დავუმატოთ 1 ს/კ მუსკატის კაკალი, 1 ს/კ ილი, 1ს/კ კარდამონი, 1 ს/კ ლიმონის ცედრა და ცოტა მარილი.
5) ცომი უნდა იზილებოდეს სითბოში. ზელვის დროს ხელი უნდა დავისველოთ ზეთში. ფქვილი დავაცრათ იმდენი რომ ფაფუკი ცომი გამოვიდეს. დაახლოებით 2-2,5 კგ. ეს მასალა დავდოთ თბილად და როცა ამოვა, ჩავზილოთ. ეს უნდა მოხდეს 2-ჯერ. შემდეგ ფორმებში გავანაწილოთ. ხელები ყოველთვის ზეთით უნდა დავისველოთ და ისე შევეხოთ.
6) ცომი გადავანაწილოთ საცხობ ფორმებში, თითო ფორმაში მოათავსეთ იმდენი ცომი, რომ ფორმის მოცულობის 50 პროცენტზე ოდნავ მეტი შეავსოს. დავაცადოთ ფორმაში აფუება, ზემოდან მოვუსვათ სეროფი (რომელიც თავიდან მოვადუღეთ) და კვერცხის გული, რომ არ დასკდეს.
7) დაბოლოს, შევდოთ წინასწარ გახურებულ ღუმელში და ვაცხოთ 150 გრადუსზე. კარგად რომ ამოვა, ოდნავ დავუწიოთ ტემპერატურას. ბოლოს ხის ჩხირით გავსინჯოთ. თუ ჩხირს ცომი არ ამოჰყვა, პასკა მზად არის! გამომცხვარ პასკას მოვაყაროთ შაქრის პუდრა.
გემრიელად მიირთვით!
Присоединяйтесь к ОК, чтобы подписаться на группу и комментировать публикации.
Комментарии 20