Предыдущая публикация
Biz ikimiz bir can idik,
Ayrılmışam, min olmuşam,
Allahımsan, indi sənə
Çatmaq ücün din olmuşam.
Öz yolumu bilən idim,
Sükan idim, yelkən idim,
Bir zamanlar Mən, Mən idim,
İndi dönüb sən olmuşam.
Nə gecəm var, nə gündüzüm
Qışqırıram: – Necə dözüm?
Çığırdıqca indi özüm,
Səs olmuşam, ün olmuşam.
Dəniz kimi çalxalandım,
Qaya kimi lal dayandım,
Ayrılığı əlac sandım,
Görürəm ki, yanılmışam…
Bəxtiyar Vahabzadə
@seirqoxulum
Следующая публикация
Нет комментариев