Предыдущая публикация
Жанчыне патэлефанавалі на хатні тэлефон нібыта супрацоўнікі «Энерганагляду».
Яны расказалі, што зараз ідзе масавая замена лічыльнікаў, якая каштуе немалых грошай. Але жанчыне пашчасціла трапіць на акцыю па бясплатнай замене абсталявання. Каб узяць удзел трэба было паведаміць свае пашпартныя даныя, што даверлівая пенсіянерка і зрабіла.
Амаль адразу жанчыне патэлефанаваў праз месенджэр «супрацоўнік міліцыі» і сказаў, што яе падманулі. Ён пераканаў гамяльчанку, што на яе даныя ашуканцы аформілі крэдыты, і ўжо выводзяць грошы за мяжу.
Суразмоўца напужаў бабулю крымінальнай справай і пацікавіўся, ці ёсць у яе дома нейкія зберажэнні. Грошы ў жанчыны знайшліся, таму мужчына параіў іх неадкладна задэклараваць, каб сродкі не канфіскавалі. Для гэтага трэба было пайсці ў банк і ўсё пакласці на спецыяльны рахунак.
На шчасце, банк у гэты час ужо не працаваў. Махляры загадалі трымаць гэтую гісторыю ў сакрэце і звярнуцца ў банк у панядзелак. Але ўсхваляваная пенсіянерка не вытрымала і расказала пра ўсё сваёй знаёмай. Тая зразумела, што справа нячыстая і запэўніла сяброўку звярнуцца ў міліцыю.
Следчыя ўжо распачалі справу па факце махлярства.
Крыніца: https://gomel.mvd.gov.by/m/ru/news/13407
Следующая публикация
Нет комментариев