Предыдущая публикация
Пра прагноз на паводкавы перыяд расказалі прадстаўнікі Белгідрамета падчас прэс-канферэнцыі ў Доме прэсы.
У краіне не было ўстойлівага снежнага покрыва. Цяпер яго вышыня даволі нязначная ў многіх рэгіёнах краіны – ад 1 да 5 сантыметраў. Воднасць беларускіх рэк да канца студзеня была блізкай да нормы, толькі ў Заходняй Дзвіны і Дняпра яна значна перавысіла паказчыкі. А воднасць Прыпяці была ў два разы менш за звычайную для гэтага часу.
Усё гэта кажа пра тое, што разводдзе на рэках краіны чакаецца сёлета невысокае. Але спецыялісты не выключаюць, што надвор'е ў другой палове лютага, а таксама сакавік і красавік яшчэ могуць паўплываць на паводкавую сітуацыю.
«На працягу першых двух зімовых месяцаў адзначаўся недабор ападкаў, а таксама павышаны тэмпературны рэжым. Студзень быў анамальна цёплым. Сярэднямесячная тэмпература паветра перавышала кліматычную норму на 5,3 градуса. Гэта назіраецца ўпершыню за ўвесь перыяд метэаназіранняў», – расказалі ў Белгідрамеце.
Крыніца: https://www.youtube.com/live/iELp7PJuQNM?feature=shared
Следующая публикация
Комментарии 1