Предыдущая публикация
На школьніка ў Ашмянах падчас трэніроўкі ўпалі футбольныя вароты.
Яго трэнеру цяпер пагражае да 4 гадоў турмы
Заняткі, якія скончыліся бальніцай і крымінальнай справай, праводзіліся 21 студзеня на стадыёне спартыўнай школы ў Ашмянах. Як устанавілі следчыя, на трэніроўках выкарыстоўвалі пераносныя металічныя футбольныя вароты, якія належным чынам не замацавалі. Калі 11-гадовы хлопчык павіс на пярэдняй перакладзіне, яны перакулілася на яго.
З цяжкімі цялеснымі пашкоджаннямі школьніка даставілі ў бальніцу. Ён усё яшчэ працягвае там лячэнне, але яго жыццю і здароўю нічога не пагражае.
Адказнасць за гэты інцыдэнт панясе трэнер. Згодна з матэрыяламі крымінальнай справы, выкладчык у той дзень перад пачаткам трэніроўкі не замацаваў спартыўнае абсталяванне і не пераканаўся ў правільнасці яго ўстаноўкі. Акрамя таго, ён абавязаны быў правесці інструктаж па тэхніцы бяспекі, але пачаў заняткі без гэтага.
У выніку на трэнера завялі крымінальную справу праз невыкананне або неналежнае выкананне абавязкаў па забеспячэнні бяспекі жыцця і здароўя малалетняга, якое пацягнула па неасцярожнасці прычыненне цяжкага цялеснага пашкоджання. Яго могуць пакараць абмежаваннем волі да 4 гадоў або пазбаўленнем волі на той жа тэрмін са штрафам і з пазбаўленнем права займаць пэўныя пасады або займацца пэўнай дзейнасцю.
Крыніца: https://sk.gov.by/ru/news-usk-grodno-ru/view/na-trenirovke-na-rebenka-upali-futbolnye-vorota-vozbuzhdeno-ugolovnoe-delo-14544
00:18
Следующая публикация
Нет комментариев