Предыдущая публикация
Дзе цікава правесці час у Гомелі ў першыя выходныя лютага?
Афіша ад «Моцных Навін»
🔹 ЗА ДАНАТ
1 лютага а 19:30 у бары «Хрусталь» ладзіцца імправізацыйна-размоўнае шоу – вечар сустрэч выпускнікоў «У Купера» з Арцёмам Купрэенка. Уваход: любая папяровая купюра. А яшчэ там можна будзе разыграць сэт шотаў за гісторыю са школы.
🔹 ВЕЧАРЫНКІ
Яшчэ адна імпрэза з нагоды дня выпускнікоў – дыскатэка ў прасторы «Цэх» (18+). Танчыць будуць 1 лютага з 21:00 да 4:00. Дрэс-код: 90-я і 00-я. Кошт уваходу: ад 20 да 25 рублёў.
🔹 ЦЫРК
З 1 лютага ў цырку стартуе новая праграма з жырафамі! Зорка манежа – жырафа Багір – мае рост 7 метраў і ўмее танчыць вальс. Шоу працягнецца да 23 лютага. Квіткі каштуюць ад 8 да 25 рублёў.
🔹 ЭКСКУРСІІ
У суботу 1 лютага Веткаўскі музей ладзіць пешаходную экскурсію «Спасава Слабада. Стараабрадцы Гомеля». Збор каля філіяла Веткаўскага музея ў парку. Пачатак а 10:00. Кошт: 10 рублёў. Абавязкова патрэбны папярэдні запіс па тэлефоне: +375 232 50-96-98.
🔹 КІНО
З 30 студзеня ў кінатэатры імя Калініна стартуе пракат камедыі «Моди: Три дня на крыльях безумия» (18+). Рэжысёрам фільма стаў Джоні Дэп. Карціна цікавая тым, што ў ёй можна ўбачыць эпізод з жыцця беларускага мастака Хаіма Суціна.
Выдатнага вам адпачынку!
Следующая публикация
Нет комментариев