Предыдущая публикация
Аляксандр Лукашэнка падпісаў распараджэнні выдзеліць 680 тысяч рублёў з рэзервовага фонду на заахвочванне адораных школьнікаў, студэнтаў і іх педагогаў, а таксама больш за 90 тысяч са спецыяльнага фонду на падтрымку таленавітай моладзі.
680 тысяч рублёў накіруюць на 26 гранд-прэмій з уручэннем спецыяльнага нагруднага знака і 217 спецыяльных прэмій пераможцам рэспубліканскіх алімпіяд і конкурсаў. Узнагароджанне за асаблівы ўклад у развіццё здольнасцей адораных школьнікаў і студэнтаў атрымае таксама 21 педагог.
Сюды ўваходзіць і прэзідэнцкая стыпендыя для 173 студэнтаў і курсантаў ВНУ за выдатную вучобу, поспехі ў навукова-даследчай і творчай дзейнасці.
Грошы са спецфонду будуць накіраваны на выплату 23 спецыяльных прэмій і 2 гранд-прэмій. Такую падтрымку атрымаў калектыў «Лабараторыя эстраднага танца БДУКіМ», які прымаў актыўны ўдзел у так званым «Марафоне адзінства». Яшчэ падтрымалі 24 прадстаўнікоў таленавітай моладзі – пераможцаў міжнародных і рэспубліканскіх конкурсаў і фестываляў у галіне мастацтва, у тым ліку музычнага і харэаграфічнага.
Крыніца: https://president.gov.by/ru/events/na-poosrenie-odarennyh-ucasihsa-i-studentov-budet-vydeleno-br680-tys-iz-rezervnogo-fonda-prezidenta
Следующая публикация
Нет комментариев