Предыдущая публикация
У Гомелі зацвердзілі галоўны фінансавы дакумент горада на 2025 год.
Даходы гарадской казны сёлета прагназуюцца ў памеры 1,06 мільярда рублёў.
Самыя вялікія сумы прыпадаюць на галіны адукацыі і аховы здароўя – 414,7 і 373,5 мільёна рублёў адпаведна. Аб’ём сацыяльных выплат складзе 67,6 мільёна рублёў.
На сферу ЖКГ накіруюць 102,7 мільёна рублёў. Найбольшая частка пойдзе на капітальны рамонт жылфонду, а рэшту плануюць патраціць на бягучы рамонт, мадэрнізацыю цеплавых сетак, утрыманне дарог і дваровых тэрыторый, замену ліфтаў і субсідыі па аплаце камунальных паслуг малазабяспечаным гараджанам.
Частку бюджэтных сродкаў выдзеляць на канкрэтныя праекты: напрыклад, на завяршэнне капітальнага рамонту пешаходнага пуцеправода паміж вуліцамі Дворнікава і Кірава і на праектна-каштарысную дакументацыю для палаца культуры «Фестывальны».
Таксама ў 2025 годзе запланаваны закуп дваццаці тралейбусаў і ад пятнаццаці да дваццаці аўтобусаў у залежнасці ад мадыфікацыі. Акрамя гэтага ў бюджэт заклалі 1,6 мільёна рублёў для забеспячэння лізінгавых плацяжоў за пяцьдзесят адзінак камунальнай тэхнікі, якую набылі цягам двух мінулых гадоў. А для прадпрыемства «Красная гвоздика» маюць намер набыць яшчэ дзевяць новых машын.
Крыніца: https://belkagomel.by/2025/01/06/v-gomele-deputaty-utverdili-bjudzhet-na-2025-god/
Следующая публикация
Нет комментариев