Предыдущая публикация
Куды схадзіць у чарговыя вялікія выходныя?
Афіша «Моцных Навін» на 4-7 студзеня
🔹 БЯСПЛАТНА
У кавярні Cup of Peace з 2 студзеня пачалі кінамарафон прагляду ўсіх фільмаў пра Гары Потэра. У суботу 4 студзеня можна будзе паглядзець трэці фільм – «Гарри Поттер и узник Азкабана» за кубачкам кавы. Фільмы працягнуць паказваць да 9 студзеня па адной частцы ў дзень. Пачатак а 19:00.
🔹 МУЗЕІ
Філіял Веткаўскага музея ў Гомелі прапануе цэлы шэраг святочных калядных імпрэз. 6 студзеня вы можаце паглядзець традыцыйную батлейку «Цар Ірад» а 12:00 і 14:00 за 7 рублёў. А яшчэ можна наведаць майстар-класы на выбар – па стварэнні саламянага павука (а 10:00, 12 рублёў) ці лялькі-анёлка (а 12:00, 7 рублёў).
🔹 НАВАГОДНІЯ СПЕКТАКЛІ
У драматычным тэатры працягваюцца паказы музыкальнай казкі «Емелины чудеса» (0+) з навагодняй праграмай для дзяцей. Спектаклі ладзяцца 4, 5 і 7 студзеня па некалькі разоў на дзень. Кошт квіткоў стартуе ад 15 рублёў.
🔹 ВЕЧАРЫНКІ
4 студзеня а 22:00 «Цех» запрашае на вінілавую house-вечарынку. Уваход з рэпостам афішы з сацсетак пляцоўкі каштуе 10 рублёў, без рэпоста – 15.
5 студзеня а 23:00 у Toast адбудзецца ноч глыбокай і меладычнай музыкі. Будуць выступаць тры дыджэі – Slava Uncle, Kit Rose і Alita. З рэпостам афішы імпрэзы ўваход каштуе 10 рублёў, без рэпоста – 15.
Зычым класна адпачыць!
Следующая публикация
Нет комментариев