Предыдущая публикация
У студзені 2024 года СМІ і сацсеткі ашаламіла гісторыя коціка Твікса, які разам са сваяком свайго гаспадара вандраваў у цягніку.
Кот нейкім чынам выбраўся з пераноскі і пайшоў гуляць па вагоне, а пасля, як раней заяўлялася, быў высаджаны правадніцай на адной са станцый у 30-градусны мароз. Цэлы тыдзень 5 тысяч валанцёраў шукалі Твікса і знайшлі мёртвым у кіламетры ад станцыі. На правадніцу завялі крымінальную справу за жорсткае абыходжанне з жывёламі.
Сёння журналісты выдання «КП-Екацярынбург» паведамілі, што справу закрылі яшчэ ў кастрычніку.
Высветлілася, што правадніца цягніка, заўважыўшы Твікса, паднесла яго да ўсіх пасажыраў, у тым ліку і да мужчыны, які вёз ката. Але ніхто гадаванца не прызнаў і гэта пацвярджаецца відэазапісамі з вагона. Пасля Твікса аднеслі ў тамбур. А падчас прыпынку ў Кіраве адзін з пасажыраў высадзіў яго на перон, палічыўшы, што ён мясцовы і заскачыў у тамбур на прыпынку. Мужчыну, які выкінуў ката, устанавілі і апыталі, але не змаглі прыцягнуць да адказнасці, бо ў яго дзеяннях не было складу злачынства.
Пазней інфармацыю аб спыненні справы пацвердзіў адвакат правадніцы. Паведамляецца, што жанчына перажыла сапраўднае цкаванне і паўгода аднаўляла здароўе. Гаспадар загінула ката ад каментароў адмовіўся.
Пасля выпадку з Твіксам у РЖД прынялі рашэнне забараніць праваднікам высаджваць жывёл з вагонаў. Калі знайсці гаспадара не атрымаецца, то гадаванцаў будуць перадаваць супрацоўнікам на прыпынках, а тыя – звязвацца з зоаабаронцамі.
Крыніца: https://t.me/meduzalive/118503
Следующая публикация
Нет комментариев