Жанчына зрабіла пластычную эстэтычную аперацыю ў чэрвені 2021 года за 1777 рублёў, якую дакладна – не паведамляецца.

Ніякіх дакументаў як аб аплаце, так і аб правядзенні аперацыі аформлена не было.
Праз некалькі тыдняў мазыранка заўважыла неэстэтычны від на тых участках цела, якія былі прааперыраваны. Таму ў пачатку ліпеня таго ж года жанчына зноў звярнулася да таго ж пластычнага хірурга для агляду і выпраўлення наступстваў зробленай раней аперацыі. Мазыранку прааперыравалі паўторна, але зноў няўдала.
1 лістапада 2021 года хірург вярнуў жанчыне грошы за аперацыю.
Пацярпелай прыйшлося цягам наступанага года некалькі разоў звяртацца па медыцынскую дапамогу, каб ліквідаваць недахопы праведзенай аперацыі. Пасля, у верасні 2022-га, яна вырашыла звярнуцца ў галоўнае ўпраўленне па ахове здароўя Гомельскага аблвыканкама і даведалася, што хірург, які яе папсаваў, увогуле не меў ліцэнзіі на правядзенне ніякіх пластычных ці касметалагічных аперацый.
Мазыранка прапанавала недаспецыялісту у заказным лісце самастойна вырашыць пытанне без суда і кампенсаваць ёй маральную шкоду, якую яна ацаніла ў 80 тысяч рублёў. Але ліст хірург праігнараваў.
У рэшце рэшт жанчына звярнулася ў суд і папрасіла спагнаць з адказчыка на яе карысць 100 тысяч рублёў кампенсацыі маральнай шкоды і матэрыяльную шкоду ў 7 тысяч рублёў. Гэта выдаткі, якія яна вытраціла на меддапамогу і аднаўленне здароўя для выпраўлення наступстваў пасля яго няякаснай пластыкі.
У выніку суд Мазырскага раёна прыняў рашэнне спагнаць з адказчыка на карысць жанчыны 10 тысяч рублёў кампенсацыі маральнай шкоды. А ў задавальненні іску аб спагнанні матэрыяльнай шкоды было адмоўлена.
Крыніца: https://court.gov.by/ru/gomeljskij/oblastnoj/sud/press_sluzhba/soobscheniya/press_sluzhbi/2b9d25f118474d19.html