Предыдущая публикация
Беларус збіраўся ў лес у грыбы і паклаў у заплечнік нож.
Але пасля перадумаў і пайшоў у метро, дзе яго затрымалі за незаконнае нашэнне і перавозку халоднай зброі
Недарэчная сітуацыя адбылася на станцыі мінскага метро «Інстытут культуры» падчас праверкі асабістых рэчаў жыхара Мінскага раёна. У мужчыны ў заплечніку аказаўся самаробны нож.
Пасажыр прызнаўся, што планаваў пайсці ў грыбы, таму паклаў нож у торбу. Потым у яго змяніліся планы і мужчына паехаў у Мінск, а пра нож забыўся.
Судовыя эксперты праверылі небяспечны прадмет на трываласць і траўмабяспеку і прыйшлі да высновы, што ён з'яўляецца клінковай халоднай зброяй колюча-рэжучага дзеяння.
За незаконнае нашэнне і перавозку зброі мужчыну будуць судзіць.
Крыніца: https://sudexpert.gov.by/ru/list_news_occurrence_n.html?news_id=12281
Следующая публикация
Комментарии 5