Предыдущая публикация
Па інфармацыі Mash, падатковыя органы надоечы закрылі юрыдычную асобу, якая адказвала за кіраванне сядзібай Дзеда Мароза ў Валагодскай вобласці Расіі.
Рэзідэнцыю нібыта вырашылі ліквідаваць праз доўг у 52 тысячы расійскіх рублёў (каля 1,7 тысячы беларускіх рублёў). Ёю раней кіравала расійская дэпутатка Таццяна Мурамцава, якую затрымалі ў 2022 годзе за фінансавыя махінацыі і растрату бюджэтных сродкаў на брэнд «Дзед Мароз». Шкоду ацанілі ў 100 мільёнаў расійскіх рублёў (каля 3,3 мільёна беларускіх рублёў). Цяпер жанчыне не да бізнэса і, адпаведна, не да Новага года.
Аднак, як паведамляецца ў Тэлеграм-канале расійскага Дзеда Мароза, Новы год у Расіі не адмяняецца. Дзейнасць кампаніі перайшла да акцыянернага таварыства «Дзед Мароз», заснаванае ўрадам Валагодскай вобласці. І рэзідэнцыя, і Дзед Мароз гатовы прымаць гасцей.
Сам жа казачны дзед, чыю ролю выконвае 47-гадовы актор Андрэй Балін на працягу ўжо 25 гадоў, таксама аказаўся не без даўгавых праблем. Па даных SHOT, ён паспеў начараваць на сваіх аўто дарожных штрафаў на 24,5 тысячы расійскіх рублёў (каля 800 беларускіх рублёў). Частку з іх мужчына ўжо пагасіў.
Галоўны чараўнік Расіі, часцей за ўсё трапляўся на перавышэнні хуткасці да 40 і 60 км/г. Мяркуем, спяшаўся парадаваць дзетак падарункамі.
Крыніцы: https://t.me/mash/59679 , https://t.me/russiadm/868?single , https://t.me/shot_shot/74731
Следующая публикация
Нет комментариев