Предыдущая публикация
Дзе адпачыць у Гомелі 2 і 3 лістапада?
Агляд імпрэз на выходныя ад «Моцных Навін»
🔹 ДЛЯ СМЕЛЫХ
У пятніцу а 23:00 ладзіцца карнавальная вечарынка ў Coffee&Toast на Леніна, 10. Сярод гасцей у касцюмах пройдзе розыгрыш дэпазіта ў бары на 50 рублёў. Уваход з рэпостам афішы 10 рублёў, а без – 15.
У суботу 2 лістапада ў рэстаране Nemo ладзяць загадкавую вечарыну з варожбамі, магічнымі рытуаламі, гарачымі танцамі і конкурсам на самы магічны вобраз. На свята запрошаныя вядзьмаркі, лясныя духі, пярэваратні і татэмныя жывёлы. Пачатак а 20:00, патрэбная бронь па тэлефоне рэстарана +37544 707 07 47.
Таксама ў суботу, калі рызыкнеце зазірнуць у «Квартирник», можаце там напаткаць Джека потрошителя тыкв, Призрачного гонщика, # 1Хеллсинга і Граффа Дракулу. Там жа з 21:05 за 5 рублёў можна будзе паслухаць вініл.
🔹 ДЛЯ ДЗЯЦЕЙ
У нядзелю 3 лістапада аб 11:00 Тэатр лялек запрашае на спектакль «Сакрамэнт лесу» (5+) па матывах казак Якуба Коласа. Кошт квіткоў – 15 рублёў.
А калі хочацца заняцца творчасцю, можна адправіцца разам з дзеткамі ляпіць талеркі ў студыі «Воздух» на Жаркоўскага, 11. У нядзелю а 15:00 там пройдзе майстарклас па кераміцы «Яишенка». У выніку пасля 2 гадзін працы за 85 рублёў вы атрымаеце тры забаўныя талерачкі і добрыя ўспаміны на памяць. Для ўдзелу трэба запіс у дырэкт студыі ў сацсетках або па тэлефоне +37533 355 40 88.
І яшчэ адна ідэя для яркай нядзелі – вечарынка з Уладам А4 з 18:15 да 20:15 у студыі «ЮМ» на вуліцы Дакутовіч, 47-3. Запрашаюцца дзеці ад 6 гадоў. У праграме розныя чэленджы і мятровая піца. Запіс праз сацсеткі студыі.
🔹 ДЛЯ АМАТАРАЎ КІНО
У нядзелю а 19:30 у Новым мастацкім тэатры ў ГЦ «Мебельный квартал» будуць глядзець змрочную драму «Три» 1965 года. Гэта першы ў гісторыі Югаславіі фільм, намінаваны на Оскар. У сюжэце – падзеі, якія адбываюцца падчас Другой сусветнай вайны.
Таксама з 1 па 8 лістапада ва ўсіх кінатэатрах Гомеля можна паглядзець кінастужкі фестываля кіно «Лістапад».
🔹 ДЛЯ ТЫХ, ХТО ЛЮБІЦЬ АБДЫМКІ І СМАЧНУЮ КАВУ
«Кавярня 1505» запрашае 2 лістапада а 13:00 сустрэцца ў дворыку за будынкам Арт-моды (Савецкая, 15), каб пагутарыць, паабдымацца і выпіць ігрыстага. З 25 чэрвеня культавая кавярня была ў адпачынку, а цяпер пераехала на новае месца і гатовая прымаць гасцей.
Зычым вам добрага настрою і файнага адпачынку!
Следующая публикация
Нет комментариев