Предыдущая публикация
30 кастрычніка Аляксандр Лукашэнка падпісаў указ, які працягвае тэрмін дзеяння праграмы сямейнага капіталу да 2029 года.
Дзеючыя ўмовы для назначэння праграмы захаваліся тымі ж самымі.
Пашырыліся магчымасці выкарыстання сродкаў сямейнага капіталу на паляпшэнне жыллёвых умоў:
🔹 даецца права датэрмінова выкарыстаць іх пры будаўніцтве жылля незалежна ад наяўнасці накіравання мясцовага органа ўлады на такое будаўніцтва;
🔹 жылыя памяшканні, якія не адпавядаюць санітарным і тэхнічным патрабаванням, не ўлічваюцца ў агульнай плошчы жылля ва ўласнасці сям'і;
🔹 ёсць магчымасць датэрмінова выкарыстаць сродкі на набыццё долі ці доляў жылых памяшканняў, калі ў сям'і ўжо ёсць ва ўласнасці долі гэтых жылых памяшканняў;
🔹 таксама сямейны капітал можна датэрмінова выкарыстаць на пагашэнне крэдытаў, выдадзеных на падставе дамоваў аб рэфінансаванні крэдытаў на ўзвядзенне, рэканструкцыю, набыццё жылых памяшканняў, долі ці доляў у праве ўласнасці на іх.
Ва ўказе ўпершыню замацоўваюцца правы дзяцей (у тым ліку пры разводзе бацькоў) на жылыя памяшканні, пабудаваныя або набытыя на сродкі сямейнага капіталу.
Сямейны капітал можна будзе накіраваць на аплату навучання за наступны навучальны год.
Яшчэ пашыраецца пералік сродкаў, прызначаных для сацыяльнай рэабілітацыі інвалідаў, пры набыцці якіх можна задзейнічаць сямейны капітал.
Акрамя гэтага, дакумент дае права на прызначэнне сямейнага капіталу замежным грамадзянам і асобам без грамадзянства, якія пастаянна пражываюць у Беларусі, пры ўмове набыцця імі грамадзянства не пазней за адзін год з дня нараджэння ці ўсынаўлення або удачарэння трэцяга і наступных дзяцей.
Крыніца: https://belta.by/comments/view/programma-semejnogo-kapitala-prodlevaetsja-esche-na-pjat-let-novatsii-po-polochkam-9453/
Следующая публикация
Комментарии 2