Предыдущая публикация
Дзень_дарэння_кніг
#Сацапытанне
“Лепшы падарунак – гэта кніга” – ці згодны з гэтым выказваннем землякі?
Алена Стэфняк, жыхарка Петрыкава:
– Зыходзячы з досведу, я работнік раённай цэнтральнай бібліятэкі, адкажу на пытанне станоўча: кніга – лепшы падарунак. Дарэнне кніг сярод жыхароў Петрыкаўшчыны традыцыя не забытая. На шчасце, яшчэ вельмі шмат дарослых людзей разумеюць і шануюць кнігу як прадмет не толькі матэрыяльнай, а ў першую чаргу, духоўнай каштоўнасці, шануюць тыя пачуцці і эмоцыі, якія дорыць чытачу аўтар. Нярэдкія выпадкі дарэння землякамі раённай цэнтральнай бібліятэцы кніг з хатних запасаў. Многія прыносяць іх па прычыне рамонту, замены мэблі. Былыя выпускнікі, якія сталі студэнтамі, дораць літаратуру па падрыхтоўцы да паступлення, бацькі, якія ўжо падраслі дзяцей – дзіцячую літаратуру. Запомніўся выпадак, калі малады чалавек з прычыны пераезду ў іншы горад падарыў нам некалькі серый шматтомных выданняў рускіх і беларускіх. Прытым гэта быў увесь збор твораў – ад першага да апошняга тома. Некаторыя з кніг, што паступілі нам у дар ад чытачоў, мы дорым людзям, якія не могуць прыйсці ў бібліятэку. Літаральна ўчора мы праводзілі дабрачынную акцыю “Цікавыя кнігі – у добрыя рукі” ў Капцэвіцкім сацыяльным пансіянаце “Палескія хвоі”, падчас якой перадалі ўстанове перыядычныя выданні, закладкі з афарызмамі пісьменнікаў-класікаў. Частку з падораных кніг землякамі ў населеныя пункты развозіць “Перасоўная бібліятэка”.
Дарыце кнігі адзін аднаму! Гэта дзіўны падарунак, які нясе радасць і натхненне.
Следующая публикация
Нет комментариев