Предыдущая публикация
Ванфтольхть миграциять мархта сотф кизефксне
20 январьста Саранскяйса Мордовия Республикань Пресс-центраса ётафтовсь «Мордовия Республикаса миграционнай ситуациясь и омба масторонь граждаттнень отношенияса законодательствати нововведениясь» темас коре брифинг.
Эсонза примасть участия Мордовия Республикать эзга МВД-нь миграциянь кизефкснень коряс Управлениять начальникоц Борис Мандрус, Мордовия Республикать эзга МВД-ть Следственнай Управлениянь следственнай частень отделонь начальникть заместителец Илья Маркелов, Н.П.Огарёвонь лемса Мордовскяй государственнай университетонь омба масторонь граждаттнень тестированиянь центрать директороц Юлия Пиксасова.
Борис Мандрус шарфтсь мяль сянь лангс, што омба масторонь граждаттнень мельге контрольть виияфтоманкса, мелянь 8 августста Российскяй Федерациянь законодательствати сувафтфтольхть полафткст, конат сувайхть вийс тяддень февральста. 1 январьста сявомок ни омба масторонь граждаттненди ладяфт мерат, конатнень эса теест ули кода примамс участия, штоба тиемс легальнайкс эсь положенияснон. Теест можна пшкядемс миграциянь кизефкснень коряс подразделениятненди эсь статусснон заоннайкс тиеманкса.
Пшкядемста заявлениять мархта теест максома биометрическяй персональнай даннайснон, ётама медицинскяй освидетельствования и няфтемат рузонь кяльть содаманц мархта сотф содамошитне.
5 февральста вийс сувайхть полафтксне, конат сувафтфт 115№ Федеральнай Законти. Вельдест ули кода «казямготфтомс» омба масторонь граждаттнень правовой положенияснон. Россиянь Президентсь путозе кяденц тя Указ алу. Од законть вельде сувафтф «Гражданствать лоткафтомац» ся лицатненди, конат сонь получазь инголи, стака и башка преступлениятнень тиеманкса.
Юлия Пиксасова шарфтсь мяль, што Мордовияса омба масторонь граждаттнень кядьста рузонь кяльть содаманц мархта сотф экзаменть ули кода примамс фкя тяка организацияти—Мордовскяй госуниверситетть видеса омба масторонь граждаттнень тестированиянь центрати. Телефонць: 27-27-26, эрявикс сембе информациясь ули университетть сайтсонза.
Татьяна Альшина.
Следующая публикация
Нет комментариев