Предыдущая публикация
❗️ Мошенникне васькафнесазь ломаттнень надияфнемок сявомс работама
Кода пачфни «Стопмошенник13» телеграм-каналсь, мошенникне васькафнесазь ломаттнень, надияфнемок мумс теест работа или стажировка.
Преступникне коль сяда сидеста ноляйхть интернету оцю компаниятнень, государственнай организациятнень эса и Центробанкса вакансиятнень колга объявленият.
Кода сембось уленди
Анкетать вельде мошенникне сотцесазь работань вешихнень персональнай и банковскяй информацияснон. Меле тернесазь кандидаттнень собеседованияс, штоба ладямс соткст и тумс мяльс.
Сяда тов, бта работань максыхне, «кяшендихть» офисса шамада шамас васедемать эзда и ётафнесазь собеседованиять дистанционнайста. Синь кизефнихть кандидатть профессиональнай маштомошинзон колга, азондыхть компаниять и сянь квалма, мезе эряви тиендемс. Тяфта ломанць мезеньге колга аф талакоды.
Меколи мошенникне мярьгондихть ётафтомс ярмак—бта тя эряви трудовой договорть кемокстаманкса. Туфталхт азондовихть аф фкя лацоннет, ащихть организациять эсь лацонь ширензон эзда: пандомс тонафнеманкса, медосмотранкса или спецщамонкса, зарплатать пандоманкса банковскяй картать проверямац, тиемс киберпреступникнень кирдемаснон инкса перевод и стак тов. Тяда башка, кой-коста работань вешихненди мярьгондихть ладямс телефонозост приложения, конань эса улихть вируст.
Мезень колга мяляфтома эсь пряцень араламанкса✅
Кда работань вешемста или стажировкада инголе теенть мярьгихть мезенксовок пандомс—атказада сембода.
Афкуксонь работодательхне аф кочксихть банковскяй даннайхть, аф анцихть финансовай документт и аф мярьгондихть кандидаттненди примамс участия кодамовок финансовай операцияса.
Рекрутерхне тяшнихть кандидаттненди корпоративнай электроннай почтаста—@ символда меле моли компаниять сайтонц доменоц.
Фалу проверсесть вакансиятнень и стажировкатнень колга информациять компаниять официальнай сайтсонза или персоналть вешендеманц коряс специализированнай ресурснень эса. Кда корхтамась мольфтеви Россиянь Банкса работать или стажировкать колга—тянь ули кода тиемс регуляторть сайтсонза.
Следующая публикация
Нет комментариев