Йөрәкләргә мәңге уелган

Кайда гына йөрми, ниләр генә күрми,Ир-егеткәй белән ат башы...Бигрәк дөрес җырланган элек-электән безнең халкыбызда. Атка атланып яу чапкан, Порт-Артурны да, Берлинның үзен дә айкаган, кая гына башын салмаган да, ниләр генә күрмәгән шул ир-егетләр. Нәкъ шул ил гизүләр, солдат боткасы тәмен белү аларны көчле иткән дә инде. Алай гына түгел, кеше үз гомерендә агач утыртырга, йорт төзергә, гаилә корырга тиеш дигән гадәткә кергән әйтемнең бурычлары да ир-атлар иңенә ята бит.Мәкаләм герое илебезнең данлы үткәнен, ата-бабаларның зур яуларда күрсәткән батырлыгын тормышта үрнәк итеп алып, армия хезмәтен намус белән үткән совет буыны солдаты – Югары Яркәй авылында яшәүче яугир-интернационалист Галимҗан ЯЛАЛОВ.