Предыдущая публикация
Янги макон кўрганида ҳаволаниб,
Туғилган жой, хонасини унутганлар.
Хотин гапин қонун билган қул ўғиллар,
Лаънат сенга онасини унутганлар.!!!
Не ҳавасла келин олган меҳрибонинг,
Бахтинг учун қўли толган меҳрибонинг,
Йигит бўлмай, кетей тезроқ чиқсин жонинг,
Лаънат сенга онасини унутганлар.!!!
Қариганда ёлғиз қўйдинг қарамасдан,
Фарзанд бўлиб оғир кунга ярамасдан,
Садқай эр кет, хотин сочин тарамасдан,
Лаънат сенга онасини унутганлар.!!!
Кўчаларга сиғмай ғоздек юришинг бор,
Бир кун келиб шу кунларни кўришинг бор,
Қайтар дунё, қайтар албат, қаришинг бор,
Лаънат сенга онасини унутганлар.!!!
Қотган нонга куни қолган шўрлик она,
Ажалини кутиб толган шўрлик она,
Ҳассасини дўққиллатар мушфиқ она,
Лаънат сенга онасини унутганлар.!!!
Тирикликда эъзозини унутиб сўнг,
Ўтиб кетса роль ўйнайсан йиғлаб ҳўнг-ҳўнг,
Тилинг борми, қани гапир, эй тилсиз гўнг,
Лаънат сенга онасини унутганлар.!!!
Следующая публикация
Комментарии 3