Предыдущая публикация
Ай дил, дигар саҳифаи ғамро варақ назан!
Боби фироқу фасли ситамро варақ назан!
Машғулиёти мо пас аз ин дарси шодӣ аст,
Аслан дигар китоби аламро варақ назан!
Дарсе ба ғайри завқу табассум набигзарем,
Ҳаргиз китоби ашки қаламро варақ назан!
Омӯз дарси некнигоҳӣ ба дигарон,
Машқи баёни зиштқадамро варақ назан!
Ин хок боргоҳи накӯист, Ҳотамӣ,
Аз нек гӯю ҳарфи бадамро варақ назан!
Ғайратҷон Ҳотамӣ
Следующая публикация
Нет комментариев