Предыдущая публикация
Ucalmaq istədim məhəbbətinlə,
Min cür acı yedim bir şirin üçün.
Sən "Fərhad" axtardın həyatın boyu,
Mən də tamarzıyam bir Şirin üçün.
Daha uduzmağa heç nəyim yoxdur,
Bir özüm qalmışam, bir sevən ürək.
İçində yalançı ocaq qalama,
Qəlbin buz kimidir baxışların tək....
Arxamda dayanan bir məhəbbət yox,
Nadanlar üstümə ayaq aldılar.
Zəifləmiş bilib məni alçaqlar,
Sinəmin üstündən cığır saldılar.
Buda sona çatan ömür yolları,
Ömrüm bir yandadır, bəxtim bir yanda.
Məni aldanmağa elə öyrətdin,
Yaşaya bilmirəm aldanmayanda.
00:19
Следующая публикация
Нет комментариев