Предыдущая публикация
სად გაქრა სანდრა რულოვსი და რა სიახლეა მის პირად ცხოვრებაში – “თავს ბედნიერად გრძნობს”
2023 წლის 26 სექტემბერს, საქართველოს ყოფილმა პირველმა ლედიმ სანდრა რულოვსმა სოციალურ ქსელში დაწერა: “ორი წელიწადი დამჭირდა მანამ, სანამ ფსიქოლოგიურად შემეძლო მიშას მონახულება. დღეს შედგა ჩვენი ხანგრძლივი შეხვედრა და გულწრფელი საუბარი. ვუსურვებ მას თავისუფლებას, ჯანმრთელობას და ბედნიერებას. ჩვენ ერთად აღარ ვართ”.
ამით რულოვსმა დაადასტურა, რომ ექსპრეზიდენტს ოფიციალურად დაშორდა. იქამდე მიუხედავად ლიზა იასკოსა და სოფო ნიჟარაძის გარშემო არსებული სკანდალებისა, რულოვსი ხშირად აქვეყნებდა დაპატიმრებული სააკაშვილის მხარდამჭერ პოსტებს.
მას შემდეგ, რულოვსი რამდენიმე ზოგად პოსტს აქვეყნებს და დეკემბერში უმცროს შვილს დაბადების დღეს ულოცავს. 2023 წლის დეკემბერში ექსპრეზიდენტი ციხიდან სანდრას მიმართ აქვეყნებს მისალოც ტექსტს. ყოფილ ცოლს ამჯერად იუბილე მიულოცა.
დეკემბერს შემდეგ სოციალურ ქსელში სანდრას აქტივობა ქრება, 2024 წლის თებერვალში კი ახალგაზრდობის ფოტოს აქვეყნებს. ივნისში ნიკოლოზსა და ედუარდს სწავლის დასრულებას ულოცავს. აგვისტოში თენგიზ ცერცვაძის სამძიმარი გამოაქვეყნა, ორ კვირაში კი პოლონეთის გარდაცვლილი პირველი ლედი მარია კაჩინსკი გაიხსენა.
შემდეგ კი აგვისტოში რულოვსი სოციალურ ქსელში ცვლის პროფილის ფოტოს, სადაც ჩანს, რომ იმიჯი მკვეთრად შეიცვალა. რულოვსს თმა მოკლედ აქვს შეჭრილი და ჭაღარა უჩანს. ფოტოს ათასამდე კომენტარი აქვს, ხალხი დაბნეულია პირველი ლედის იმიჯის ცვლილებით, ზოგსაც მისი ცნობა უჭირს.
სად გაქრა სანდრა რულოვსი და რატომ აღარ აქტიურობს სოციალურ ქსელში? – Ambebi.ge ამ თემით დაინტერესდა.
წყარო ყვება, რომ რულოვსის იმიჯის შეცვლა მის ცხოვრებაში მომხდარ სიახლეებს უკავშირდება. ჩვენი ინფორმაციით, პირად ცხოვრებაში სიახლეები აქვს და თავს ბედნიერად გრძნობს.
სანდრა რულოვსი საქართველოში აგრძელებს ცხოვრებას და როგორც წყარო გვიყვება, ყოფილი პირველი ლედი შეყვარებულია. ვინ არის ლედის რჩეული, ამაზე თბილისში უკვე ბევრს საუბრობენ, თუმცა როგორც ჩანს, თავად არ სურს ამ ეტაპზე, რომ ახალი ურთიერთობის შესახებ საჯაროდ ისაუბროს. ჩვენი ინფორმაციით, მისი რჩეული ქართველი არ არის.
Следующая публикация
Комментарии 2