Нина Черных ды Вячеслав Измайлов "Масторава" хорсо солистнэнь лиссь васенце дискест!!! "ЭРЯТАНО ШАБРАЦЕК" . Путынь сынст ютксто зярыя морот. Кунсолодо паро мельсэ!
Вана мезе сёрмадозь ЭРЗЯНЬ МОРОНЬ те покш изнявксстонть Олёш http://erisow.livejournal.com/:
Од морот Нина Черных ды Вячеслав Измайловонь пельде.
10 декабря, 20:37
Зярдо Самарань морыцят, эрзятне кевкстнить эйсэнь, мекс а сниман видеос ды а путнян интернетс сынст морамост рузокс, те шкане эль кирдеван евтамс тенст видечинть.
Вечкевикс ялгат, кода бу меремс тенк апак покорда… Мон пек а вечкан, зярдо эрзянь коллективтне ды ськамост морыцятне морыть рузокс. Истямо самодеятельность, истя, кода тынь моратадо рузонь морот, мон марян эрьва симицянть эйстэ ошонь транспортсто..
Зярдо, окойники, тынь чарькодтядо, весе питнейчись ашти тынк ЭРЗЯНЬ МОРАМОСОНТЬ. Ды весе! Истямо «мастерство» марто рузонь, китаень, мокшонь морот морадо ино гулянкасо эли ялга ютксо. Седе паро ули душсо, ськамот…
Эрзянь моровтомо тынь – кияк арасть! Ансяк минек келесь канды смусть, питнейчи. Ансяк сон, минек гайгиця ды мазый келесь. Ды тынк кунсолыть секс, мекс моратадо те кельсэнть. Кецядо, содасынк те келенть. Ванстодо…
Ансяк эрсить «исключеният». Чуросто, ялатеке эрсить. Покш мельсэ пачтян тенк од дискень лисемадо. Мельспаросо кунсолынь рузонь мороткак. Натой мАрдовочкантькак.
Паряк, сынь моразь весе седейстэ ды тевень содазь?
«Масторава» ансамблянь сехте вадря морыцятне Нина Черных ды Вячеслав Измайлов нолдасть од морот.
Кунсолодо!
#музыка
https://www.youtube.com/watch?v=C7yakyd65hM
Присоединяйтесь к ОК, чтобы подписаться на группу и комментировать публикации.
Комментарии 1
ЭРЯТАНО ШАБРАЦЕК
(«По соседству мы живём» моронть коряс
эрзякс теизе Римма Жегалина)
1. Вишка ошсо умок пек
Эрятано шабрацек .
Монь вальман тонсетнень ёнов
Свал ваныть чинек-венек.
2. Кустембенек маласот,
Сынст вакссо касыть чувтот.
Вай, кода чави седеем,
Зярдо вастован мартот!
3. Ансяк неса сулееть,
Весе арсеман тондеть.
Мельгат ваномс, свал тонь неемс,Мартот улемс чить ды веть.
4. Эрятано шабрацек,Макст уцяска, паз, тенек!
Свал кавонек улемс вейсэ,
Вейсэ эрямс миненек.