КЕНЕРСТЬ СЮРОТНЕ ПАКСЯСО
(Серафима Люлякинань)
Кенерсть сюротне паксясо
Ломанде сэрейть.
Нуи Ваня комбайнасо,
Межасонть тейтерть.
Вейкесь юткстост дока Маня
Варштась Ванянь сельмс:
- Лоткавтык комбайнат, Ваня,
Сак мартонок вейс.
- Мон бу молевлинь тенк, тейтерть,
Ансяк шкам арась.
Несынк, читне кодат манейть,
Монь учи паксясь.
Зярдо прядсынь роботатнень,
Сестэ тыненк сан.
Ушодсынек киштематнень,
Туян тенк баян…
Нуи Ваня комбайнасо –
Пурны парочи.
Маня капшалгавты сёксенть –
Покш кудат учи.
Пекшень дудкине
(Моравксось кезэрень, валтнэ А.Моронь).
1.Мон молинь вирев, керинь дудкине
Озынь лей чирес, лейсэнть уткине.
Уткинесь уйни, састо гогорькшни,
Варминесь чейтнень састо лымбакстни.
2. Чинзэ валгомав кияванзо тусь.
Уткась ялгине чейбулосто мусь.
Сынь кавнест лапнозь
Чейтнень потс совасть.
3. Мондень сынь кекшнить,
Принест а невтить.
Мейле дудкинем капшазь теия,
Моронь морамо прянь анокстыя.
4. Кармась дудкинесь моронь морамо,
Кармась ломанекс дудкась кортамо.
- Мон чачинь-касынь мазый кужинес,
Мазый кужинес – цецяка пулос.
5. Ламо монь алов сакшность од ломанть,
Ламо морынеть монь ало морасть.
Сынь вечкемадо чевтестэ кортасть,
Ламо лембе валт монь пилем марясть.
Покш вечкемадо морот мон моран,
Седей лембеде весенень ёвтнян
ВЕЛЕ, ВЕЛЕ, ВЕЛИНЕМ
1. Кортыть састынестэ велень атятне,
Морыть веленть песэ велень атякштнэ.
МОРОЮТКОСЬ: - 2-ксть.
Веле-веле-велинем,
Веле – виев вайгельнем,
Веле-веле-велинем,
Веле – паро седейнем!
2. Чоп налксесть эйкакштнэ, кеместэ удыть.
Вальмало кискатне удомаст ванстыть.
МОРОЮТКОСЬ: текесь. – 2-ксть
3. Васоло пургинесь чирькензэ ёртни.
Кизэнь весь нурькине, сон курок юты.
МОРОЮТКОСЬ: текесь – 4-ксть
https://www.youtube.com/watch?v=C7yakyd65hM
Присоединяйтесь к ОК, чтобы подписаться на группу и комментировать публикации.
Комментарии 1