Միմյանց հետ զրուցելը ամենօրյա առաջնահերթություն դարձրեք:Զրույցը ամուսնության համար նույնն է, ինչ շնչելը թոքերի համար: Արեք դա հաճախ, և հեռացրեք ձեզ խանգարող ամեն բան (հեռախոսները, համակարգիչը, ամենօրյա տնային գործերը և այլն):2. Իրար տվեք լավագույնը, այլ ոչ մնացորդները:Հաճախ մենք մեր լավագույն ջանքերը ներդնում ենք կողմնակի մարդկանց հետ շփման և այլ ոչ այնքան կարևոր գործերի մեջ, մինչդեռ մնացորդները և գերլարված նյարդերը հասցնում ենք տուն՝ մեր տան անդամների հետ կիսելու:Սակայն արժե ամենամեծ ջանքերը տանը ներդնել՝ այն մարդկանց համար, ովքեր ամենաշատն են արժանի դրանց, և ովքեր մեծ նշանակություն ունեն մեզ համար: Ձեր կողակցին և ընտանիքին տվեք ձեր լավագույնը: Նրանք արժանի են դրան:3. Եղեք մեկդ մյուսի ամենամեծ ոգեշնչողը, այլ ոչ ամենամեծ քննադատը:Մեր հասարակության մեջ հաճախ մարդկանց ամենամեծ քննադատը իրենց կինը կամ ամուսինն է, մինչդեռ ամուսինները պետք է լինեն մեկը մյուսի ամենամեծ ու լավագույն ոգեշնչողն ու խանդավառողը: Տեսեք իրար մեջ լավագույնը, ասեք ու գնահատեք դա:4. Շարունակեք ձգտել իրար:Սիրահարությունն ու ռոմանտիկան չպետք է մահանան ժամանակի ընթացքում: Դրանք պետք է ավելի ուժգին դառնան: Մնացեք այնպիսին, ինչպիսին սկզբում էիք: Ինչպես Աստվածաշունչն է հորդորում՝ մի կորցրեք ձեր առաջին սերը Աստծո հանդեպ, նույն սկզբունքը գործում է և ամուսնության մեջ. մի մոռացեք ձեր սերը:5. Ամեն օր աղոթեք միասին ու միմյանց համար:Ես հավատացած եմ, որ աղոթքն ամենագործնական ու ամենազորավոր ճանապարհն է իրար հետ և Աստծո հետ կապի մեջ մնալու:6. Շարունակեք միասին երազել ու միասին հիշողություններ ստեղծել:Երբեք մի՛ հավատացեք այն առասպելին, որ լավագույն օրերն անցել են (դրանք միայն այն դեպքում են հետևում մնում, երբ դուք որոշում եք այլևս չերազել): Շարունակեք առաջ նայել ու միասին ստեղծել նոր արկածներ:7. Երբեք մի՛ հանձնվեք:Հեռացրեք «բաժանություն» բառը ձեր ամուսնական «բառարանից»: «Կատարյալ ամուսնությունը» երկու ոչ կատարյալ մարդկանց միություն է, ովքեր հրաժարվում են հանձնվել:Դեյվ Ուիլլիս
Присоединяйтесь к ОК, чтобы подписаться на группу и комментировать публикации.
Комментарии 3