Предыдущая публикация
Анама.
Нарт джолда тюшген накъут кюзгючюк,
Ышара , кюле тургъан тюлкючюк,
Усунг тутса уа , тамам кирпичик,
Мени кёзюмде - сен эм игичик-
Деб айтыучанед атам - деучененг,
Эске тюшюрюб эзилиучененг
Ананг джырлаучу эски джырланы,
Мыдах ыйнакълай ётген джылланы..
Къатынгдан туруб джанлай башласам,
Ишим кёбдю - деб мен сылтау салсам,
Чырмаусуз бол - деб ашырыучаненг,
Ызымдан къараб ышарыучаненг.
Эскерелмедим джашау кетгенин,
Мёлек чакъырыр заман джетгенин,
Къайтмаз джолунга энди атладынг,
Ёксюз болумну энди англадым
Ариу айтыучунг, урушуучанынг,
Не кеч къалсамда джукъламаучанынг,
Эсиме келед, бойсуналмайма,
Кёрелмезме деб, ийнаналмайма..
Ана , атаны къачын кёралсакъ,
Ол аманатны бираз элталсакъ,
Ол болур динни бизге баш къаты,
Джутулмаз кибик адамны аты.
Ёзденланы Роберт Хурзук эл
14. 02 2019 джыл..
Следующая публикация
Нет комментариев