Предыдущая публикация
Доналд Трамп
Доналд Жон Трамп (англ. Donald John Trump) — 1946-жылдын 14-июнунда Нью-Йорктун Куинс аймагында төрөлгөн. Амеркалык бизнесмен жана саясатчы. 2017-жылдын 20-январынан баштап АКШнын 45-президенти катары кызматка киришти.
Өмүр баяны
Толук аты-жөнү - Доналд Жон Трамп. 1946-жылы 14-июнда Нью-Йорктун Куинс аймагында төрөлгөн. Ишкер жана саясий ишмер. Атасы Фредерик Трамп куруучу болуп иштеген. 13 жашынан тарта Доналд Трамп Аскердик академияда тарбияланган. Академиядан кийин Пенсильвания университетинин алдындагы Уортон бизнес-мектебин 1968-жылы бүтүргөн. ЖОЖду аяктагандан кийин атасынын компаниясында ишин баштап, 1975-жылы компаниянын президенти болгон. Өз алдынча ишке ашырган алгачкы долбоору - Манхэттенде курган бизнес-борбору. Трампты көпчүлүккө атактуу кылган долбоорлордун бири 1982-жылы ачылган Нью-Йорктогу 58 кабаттуу Trump Tower имараты. Анын Trump Parc, Trump Palace, Trump Plaza деген башка долбоорлору да белгилүү. АКШнын Лас-Вегас, Чикаго, Майами, Вашингтон шаарларында, Гавайи аралдарында, Панама, Торонто шаарларында мейманканалары бар.
2005-жылы Donald J. Trump Signature Collection деген аталышта кийимдер тармагын ишке киргизген. Бизнес жаатында бир катар китептердин автору. 2015-жылдын 16-июнунда Доналд Трамп президенттикке ат салышарын расмий жарыялаган. 2016-жылдын июлунда АКШнын Республикачыл партиясынын курултайында анын талапкерлиги бекитилген.
Жеке жашоосу
Трамп 5 баланын атасы, учурда үчүнчү аялы менен жашайт. "Forbes" журналынын версиясы боюнча анын материалдык байлыгы 4,5 миллиард доллар. АКШдагы эң бай адамдардын катарында 113-орунда турса, дүйнөдөгү эң бай адамдардын арасында 324-орунда.
АКШнын 45чи президенти
20 январь 2017 жылдан тарта
Өкмөт башчысы: Майк Пенс
Андан мурунку инсан: Барак Обама
Жарандыгы: АКШ
Туулган жери: Куинс, Нью-Йорк, АКШ
Атасы: Фред Трамп
Апасы: Мэри Маклауд
Жубайы: Ивана Трамп (1977—1991)
Марла Мейплз (1993—1999)
Меланья Трамп (2005 жылдан)
Балдары: Доналд Трамп кич. (т.ж. 1977)
Иванка Трамп (т.ж. 1981)
Эрик Трамп (т.ж. 1984)
Тиффани Трамп (т.ж. 1993)
Бэррон Трамп (т.ж. 2006)
Партиясы: Республикалык
(1987—99; 2009—11; 2012 жылдан тарта)[1]
Реформ (1999—2001)
Демократиялык
(2001—09)[2]
Көз карандысыз(2011—12)
Билими: Пенсильвания университети
Ишмердүүлүгү: бизнесмен, саясатчы
Сайты: http://donaldjtrump.com
Кол тамгасы
Следующая публикация
Нет комментариев