Савол: Ассалому алайкум, Одилхон қори ака. Менга нашийд эшитиш жуда ҳам ёқади. Кўп нашийд эшитаман. Улар қалбимни эритади, гуноҳ ишлардан сал бўлса ҳам тўхтатиб туради. Нашийд эшитиш ҳукмини баён қилсангиз!
Яна бир савол: мусиқа 100% ҳаромми? Бир даъватда шундай дейилганини эшитгандим. Чунки ароқ ва шунга ўхшаш спиртли ичимликлар одам танасини маст қилса, мусиқа инсон руҳиятини маст қилиб, ҳар хил орзу-ҳавасларга берилиб кетишга сабаб бўлади...
Жавобингиз учун олдиндан раҳмат!
Жавоб: Ва алайкумус салом. Мўмин банда Аллоҳнинг Каломи Қуръони каримни ўқиб, уни тадаббур қилиши лозим. Бу унинг қалби ва дини учун энг манфаатлидир. Агар бирон нарсани эшитишни истаса, Қуръон тиловатига қулоқ тутади. Лекин шариат чегарасидан чиқилмай айтилган, мусиқа ва турли нағмалардан холи бўлган нашийдларни эшитишнинг зарари йўқ деб биламиз. Жумладан, ҳикмат ва панд-насиҳатларни ўзида жамлаган, яхшиликка ундовчи исломий нашийдларни эшитиш жоиз. Фақат буни одат қилиб олинмайди, орада бир-бир эшитса бўлади. Доимий суратда эшитиб юриш бандани фитнага солувчи мусиқага ундаши хавфи бор.
Баъзилар нашийдлардан таъсирланадилар, аммо Қуръони карим тиловати уларга таъсир қилмайди. Бу яхши эмас. Аллоҳнинг Каломи энг ҳақ каломдир. Уни қўйиб, нашийдларни ихтиёр қилиш нотўғри.
Демак, нашийд эшитишга муккадан кетиб, ибодат ва бошқа вазифаларни унутиб қўйиш ёки Қуръон ўрнига нашийдларни афзал билиш мутлақо жоиз эмас.
Мана бу манзилда қўшимча маълумотлар бор: http://muxlis.uz/uz/article/256387/ http://muxlis.uz/uz/article/257203/ Манба: muxlis.uz
Присоединяйтесь к ОК, чтобы подписаться на группу и комментировать публикации.
Нет комментариев