Предыдущая публикация
Вось і лета прайшло.
Лаўрэат міжрэгіянальных музычных конкурсаў "The Beatles Forever-2020" і "Золотые 70-е - 2021" кавер шоу-гурт "Dr. TIME BAND" 28 жніўня ў рамках мерапрыемстваў, прысвечаных сьвяткаванню Дня Вёскі, правёў свой чарговы канцэртны марафон "Залаты час" ў аграгарадку Стары Востраў. У праграме прагучалі творы беларускіх, савецкіх і расейскіх аўтараў, а таксама шырока вядомыя замежныя сусветныя хіты. Абыякавых не засталося. Клічаўскі рок-н-рол згуртаваў людзей рознага ўзросту. Жыхары вёскі доўга не адпускалі са сцэны ўдзельнікаў групы Андрэя Гаварушку, Валерыя Патачыца, Дзяніса Мальцава і Іллю Тоўсціка і хлопцы з задавальненнем выканалі яшчэ некалькі хітовых кампазіцый на “біс”.
"Dr. TIME" заўсёды ўдзячны сваім гледачам і слухачам за падтрымку, увагу, зычлівасць і абачлівае стаўленне. Асобныя словы падзякі музычны калектыў выказвае загадчыцы Астроўскага сельскага Дома культуры Алене Сяргеяўне Паньковай, культарганізатару Таццяне Снігур і іншым работнікам клюбу за высокі прафесіяналізм, якасць, выдатны ўзровень і зладжанасць у падрыхтоўцы і правядзенні сьвята. Асабліва хацелася адзначыць працу гукааператара Клічаўскага раённага Дома культуры Арцёма Вячаслававіча Марчанкі, які з любоўю, клопатам і веданнем сваёй справы тэхнічна ужо не ў першы раз арганізоўвае нашыя канцэрты.
Сачыце за новымі падзеямі ў жыцці "Dr. TIME BAND" на нашым канале. Да новых сустрэч на канцэртах!!!
Следующая публикация
Нет комментариев