Ўзга юртда мусофир бўлиб,

Бор вужуди соғинчга тўлиб.
Тунда чучиб уйғониб туриб,
Ватанини соғинганлар бор.
Болам деган сўзларин эслаб,
Ўз-ўзига дийдорин тилаб.
Гохи тунда, гохи эрталаб,
Онасини соғинганлар бор.
Баъзан ўйлаб чекади ох-вох,
Ўзгалардан қидирар паноҳ.
Онасини ёнида хамроҳ
Отасини соғинганлар бор.
Ўғил қизни суратин қучиб.
Хаёллари кўкларга учиб,
Бир зум дунё ишидан кечиб,
Боласини соғинганлар бор!