Предыдущая публикация
Бир ёмоннинг бир яхшиси...
Бир ёмоннинг бир яхшиси, дегандек одамлар айни қийинчиликлардан чиқиш учун ўз билганларича чора топишга киришмоқдалар.
Сирдарёга қуйилувчи тезоқар Деҳмой сойи ўтган қишлоқда бугун ўндан зиёд кичик-кичик қўлбола генераторлар ишлайди.
Пулдорроқ одамлар қўшилиб барпо этаётган генераторларнинг ҳар бири ўндан зиёд хўжаликни қиш бўйи мунтазам электр билан таъминлайди.
Бу сойдаги энг катта генераторни маҳаллий ишбилармон тузатиб берган. Ундаги электр токи бугун қишлоқ мактабини ҳам текин ёритмоқда.
"Ўқув қуролларимиз, компьютер ва электр жиҳозлар шу токдан ишлайди" - дея тушунтиради биз кирган технология дарсида муаллима Рўзижон-опа -"Аммо ҳали иситишга етмайди. Кучсизроқ".
Эни икки-уч метрдан ошмайдиган сой сувидан қишлоқни иситиш учун ҳам электр олиш мумкинми йўқми - маълум эмас. Аммо биноларни ёритиш ва телевизор қўйишнинг ўзиёқ катта гап. Чунки бу ерларда сўнгги йиллари кун бўйи атиги икки-уч соат электр берилади.
Деҳқончилик ортидан оила тебраётган Акмал шу йили томорқаси тўридан ўтган сойни бироз цемент қуйиб торайтирди-да, устида чархпалак ясатиб, ўрнатди.
"Шу йили минг доллардан кўпроқ пул сарфлаб мана шу чархпалакли генераторни тикладик. Сой тезоқар. Ундан электр қуввати олиш қийин эмас. Сувнинг оқими мана бу чархпалакни айлантириб, кучни генераторга узатаверади" - дея физика қоидасини тушунтиради суҳбатдошим.
Ҳозир оила 70 киловатт ток олмоқда. Акмал чархпалак устини ёпиб, кичикроқ симёғочлар ўрнатиб, токдан камхарж қўшниларига ҳам узатмоқчи.
Сойдаги қўлбола генератор
Томорқаси Деҳмой сойига туташ Акмалнинг омади чопган. У тезоқар сувда уйини электр билан таъминлайдиган қўлбола генератор ўрнатган.
"Мен бу генераторни уйни ёритиш, телевизор кўриш ва овқат пиширадиган плитани ишлатиш учун қурдим" - дейди Акмал -"Ортганини нима қиламан? Қўшниларимга бераман-да".
Бу қўлбола генераторлар куз охирида электр таъминоти камайган пайти ишга туширилади. Ёзда эса таъмир учун кўтариб қўйилади. https://www.bbc.com/uzbek/news/story/2010/02/100226_syrdarya_tajik_energy.shtml
Следующая публикация
Комментарии 2