Предыдущая публикация
Гуруҳимиз мухлисасидан мактуб.
Бир муслиманинг фарёди(хаётий воқеа хозиргача давом этаябди)
2-қисм. «яаъни ҳозирги кунгача бўлган воқеа» ўқинг фикр билдиринг! Зеро кўпчиликни фикри катта ахамиятга эга!
Ассалому алайкум ука. Мен у кишимга аёли учун смс ёздим, мен у кишимни (яаъни хўжайинимни) рақами деб смс ёзган эдим, лекин менга хозирги хотини жавоб ёзибди. Мени ёзган смсим шундай эди: Ассалому алайкум! Сизга буни ёзишимдан мақсадим шуки сизга мингдан- минг раҳмат, айтмоқчиман мени болаларимни ажратмай, ўзингизни болаларингиздай меҳр бериб, оқ ювиб, оқ тараганингиз учун. Мендан қайтмаса Аллоҳдан қайтсин! Мен сизни қайнонангиз билан яшаган кунларимни душманимга ҳам раво кўрмайман. Ҳозирги эрингиз ва қайнонангиз, мени бошимга шундай кунларни солишдики ва шундай ўйинлар ўйнашдики буни душманимга ҳам раво кўрмайман. Сиз ҳам она ва келинсиз мени яхшироқ, тушунасиз деган умиддаман чунки қайнонангизни қандай инсонлигини, мен билганчалик, сиз ҳам шу 10 йил, ичида билиб олгандурсиз?! Сизни эрингиз, мени шундай алдаб Ўзбекистонга жўнатдики, борганимдан кейин "пасс"имни ёқиб юбор деган ажралиш қоғозига ҳам бошида мени алдаб қўл қўйдириб олиб 2- чи қоғозни мени ўрнимга, ҳам ўзи ўхшатиб қўл қўйган.
Мени "Аэропорт"да кузатаётиб кулиб туриб:Сени алдаш жуда осон деганди. мени банк картам ва ID рақаимни ҳам олиб қолган эди. Сиз ҳам кўрган бўлсангиз керак, менинг банк картамни ишлатиб юрганини?! Сизга мен кўрмаган бахт саодатни тилайман. Деб смсимни якунладим. Лекин у аёлидан келган жавоб мени хайратга солди: Аслида мен сизга, раҳмат айтаман, биласизми нега? чунки эсли мехрибон гўзал калбли фарзандлар туғиб, эсини танийдиган ёшгача боқиб берганизга опажон. болалар энди болалар эмас, катта одамлар.
Қайнонамга келсак у бир она, 10 йил ичида айтганингиздай улардан хеч бир ёмонлик кўрмадим. Эримга келсак Аллоҳга қасамки ёлғон гапиради дейишлик қуруқ тухмат, буларни сабрларига, чиройли қалб эгаси қилиб яратган Роббимга ҳамд бўлсин!
бахт тилабсиз раҳмат! лекин озгина ўзингизни ҳам ўйланг, нега ўзингизни камчиликларингиз кўринмайди, билинмайди ўзингизга? ахир касеталар ???? майли сиз ҳам бахтли бўлинг, лекин мени оиламни, юзини ерга қаратманг лутфан! Эримни ёмонласангиз ........ дадаси.... шунака экан кейин бошқа ёпилган саҳифалар очилади, ва Яна эски онаси.... экан деб ўз ўзимизни шарманда қилмайлик. Мени болаларим иноқ аҳил аъло баҳолар билан, ютуқлар билан юксалаяпди илтимос, буларни юзини ерга қарашга сабабчи бўлмайлик. дуода эслагувчи сизни Аллоҳим ҳаммамизни ҳидоятга бошласин, ҳақда собит қилсин.
Ҳа-а бу ерда у аёл хақли чунки бу аёли айтганимдай Андижонга келин бўлиб бормади. Европага чиқиб келди. мен кўрган кунларни кўрмади, мен кўрган қийинчиликларга, Андижонда яшамас эди. Кейин қайнонам бу аёлига ўзини хунарларини, кўрсата олмайди чунки олдинги ҳикоямда ёзганимдай бойни қизи. Бойни қизи Андижонга келин бўлиб таппи- тезак қўйярмикин? Ёки қишни куни совуқда гиламларни ювармикин? Яна совуқ сувда?
У аёл тайёр Шведцияга чиқиб келди. Эри Андижонда бўлганида ҳам ўзидан 16 ёш каттага ва Андижондаги шароитга кўниб турмуш қурармиди? Йўқ асло. Эри Европадалиги учун ҳам, бир оилани бузиб бўлса ҳам Шведцияга чиқиб келди бу аёл, айтганимдай, мен никоҳида бўлганимни билиб ҳам интернетда гаплашган бу аёл.
Буни менга у кишимни (яаъний ҳўжайинимни) маҳалласидаги қўшнилари айтганди. Мен никоҳида бўла туриб у аёлни ота- онасини, эрини ўша вақтда қандай, оила экан деб суриштиргани жўнатганку у аёл.
У кишим ҳали болаларини кўрмай туриб, мендан ажрамай туриб онасини у аёлникига жўнатган. Лекин мени бу ердаги бир опамни айтиши бўйича, онаси ва хозирги аёли мен кетгандан, 2 ҳафта кейин бу ерга кириб келишган. Бу гапларимни у аёлига ҳам ёздим сизларга ҳам ҳавола қиламан мана ўқинг: Айтмоқчии синглим, сабрдан гапирибсиз? мен никоҳида бўла туриб онасини хизматини қилиб юрганимда сизни эрингиз бу ерда интернетда қизлар билан танишиб уйланаман дейишгача бориб, мени таълоғимни бермай туриб, эрингизни қандай бола? қизимизни берсак бўладими деб уларни ота-онасигача суриштириб келишганини билмайди дейсизми?
деб ёздим ва у аёли бўлса менга жавобан: "Бир киши бир одамни айбини беркитса, қиёматда Аллоҳ у кишини айбини беркитади"- деб ёзибди.
Муслима аёллар бу жавобдан ўзларинг ҳулоса чиқариб олаверинглар. У аёллга эрини ёлғон гапиради десам: Қуруқ тухмат қилманг! деди бу ерда у кишимни аёли унда эрини яхши танимабди шу 10 йил ичида.
Чунки мен ҳикоямда ёзганимдай 2004 йили мен 3 марта, Россияга Швед элчиҳонасига борганман. элчиҳонага илк кирганимда, у кишим билан қандай танишганман у кишимни ва ўзимни ҳаётимни, рўйи-рост гапириб берганман ва элчиҳонадагилар ишонишмаган экан чунки, Шведцияда у кишим бошқа маълумотларни берган экан. 3- чи боришимизда у кишимни амакиси, мен ва қизим борганмиз. биз боришимиздан 1-2 хафта олдин у кишимни 3- чи акалари Россияга бориб, 1 ҳафта ичида у кишим билан, телефонда гаплашиб 2 дона Валлоҳу, неча варақлик дафтарлиги эимда йўғу, лекин 2 дона дафтар ёлғонни ёзиб тўлдирган экан. кейин менга шу ёлғонларни ёдлатишган. мен 1 ҳафта ичида хар куни у кишимни акаси билан репититсия қилар эдик.
Мен дудуланиб қолсам аччиқланар эди. Айтингларчи қандай яшамаган, ҳаётини мен шундай яшаганман деб айтиб бера оламан?! Мен билан бирга амакиси элчиҳонага бориб, таржимонлик қилиб турган ва ўзидан қўшимча қилиб Ўзбекистон ҳақида ёмонлаб шундай, дейсиз деб амакисини ўзи Ўзбекистон ҳақида шундай ёмонлаб кетди ва бари-бир хеч ким эшитмайди ва билмайди деган. У аёлини шантаж қилган жойи кассеталар эди. Қандай касеталар билмайману лекин у кишим Шведцияда ва Ўзбекистонда Ҳар-хил диск ва касеталар тарқатибди ҳали мен эшитмадим ва кўрмадим уларни. Қўрқмаса берсин ўша касеталарни экспертиза қилдирайлик! кейин Шведциядаги ўзини танишларига мени қочиб кетган, яна бир эркак билан қочиб кетган деб гап сўз тарқатган экан.
Кўпчиликка ҳар- хил иғво ва тухматлар билан, айтган яқинда бир укамга эса ўзи мени Ўзбекистонга жўнатиб юборинг деган дебди.
Аллоҳдан қўрқмаса шундай дейдими.
Аллоҳдан қўрқиш.
бутун вужуди ва барча аъзолари билан
Аллоҳдан қўрққан кишилар мўминлардир.
бу борада имом абу лайс самарқандий
бундай дейди:
«Аллоҳдан қўрқишнинг аломати
«тилда» : Аллоҳдан қўрққан одам тилини
ёлғон, ғийбат, бошқаларга бўҳтон қилиш
ва бекорчи сўзларни айтишдан тияди.
уни Аллоҳни зикр этувчи, қуръон ўқувчи
ва илмий музокаралар билан машғул аъзо
ҳолида шай тутади.
«қалбда» : Аллоҳдан қўрққан киши
қалбида мусулмон қардошларига
душманлик ҳис этмайди: ёлғон, бўҳтон ва
ҳасад қилиш каби ғайриинсоний
туйғуларни қалбидан ўчиради.
Бу инсон Аллоҳдан қўрқмайди чунки бу ҳадисда келтирганимдай буларни ҳаммаси бор у кишимда ёлғон, алдов, тухмат ва иғво. Мен ўзимни жўнатиб юборинг, Ўзбекистонга десам нимага 1 ойлик белет билан кетаман ва яна мен қайтиб келишни ҳоҳламасам нимага ўз укамга мен билан Шведцияга келишлигим учун чақирув қоғозини олиб кетаман. Чунки у кишимни (яаъни ҳўжайинимни) менга айтиши бўйича мен 1 ойдан кейин укам билан, Шведцияга қайтиб келишим керак эди. кейин нимага мен болаларимни у кишига ташлаб кетаман? Айниқса қийналиб катта қилаётган аёл хеч қачон боласини ташлаб кетаман демайди. мени ҳам у зомон Ўзбекистонга бораман деб кўзим учиб тургани йўқ эди. Бу кишим мени айтганимдай алдаб дам олиб ҳам уканг билан бирга келасан деб жўнатган эди. мусулималар айтингчи? Қайси мўмин мусулмонман деган ва виждонли эркак бундай тухмат ва иғволар қилади. Аллоҳни қахридан қўрқмайдими? Аллоҳни олдида жавоб беришдан қўрқмайдими? Бу ўқиган 5 вақт намози билан қандай бунчалик тухмат қилишлик. Мен буларни эшитиб хайратда қолганман. Ваҳоланки менга белетни ўзи олиб ўзи кузатиб юборган эди. болаларимни бекорга кузатгани чиқмасин ўқишдан қолади демаган экан.
Болаларимга ҳам шу гапларни айтган экан, яаъни оналаринг сенларни ўқишдалигинда ва мен ишдалигимда ташлаб қочиб кетди деб. Мана уни ёлғн ва тухматлари.
Аёли мени оиламни юзини ерга қаратманг деб ёзибди. Ўша мени оилам деган аёл, интернетда оилали эркак билан танишаётганди бу ақли қаерда эди?! Нимага бир оилани юзини ерга қаратаётганини ўшанда билмадими?! Бир оилани бузиб болаларни онасиз катта бўлишига шу аёл сабабчи эмасми? У аёлни маҳалласидагилар билармикин, бу аёлни қандай Европага чиқиб келганини яаъни бир оилани бузиб эрга текканини? У аёл мени болаларимни эски аяси деб ёзибди. Айтингларчи бу аёл эски аяси деб, қайси маънода ёзди? Тошкентда эски аяси дермикин? Мен уларни эски аяси эмас 9 ой қорнимда кўтариб, бир ўлимлардан қолиб туғиб, оқ сут бериб қанча қийинчилик билан ўғлимни 11 ёшга ва қизимни 9 ёшга келтирганман.
Бу аёлга ўхшаб памперсда катта қилмаганман, болаларимни хар-куни кўхликларини ўз қўлларим билан ювиб катта қилганман. у кишим Шведциядалигида бизга на моддий на маънавий ёрдам берган.
Бизни борлигимизни болаларини ҳам унутган 1-1,5 ойда 5 минутга тел қилар эди.
У кишим болалари нима еб ва нима кийшаябди иши йўқ эди. У вақтлар мени ўз укам ёрдам бериб болалари ўксимасин деб кўп кўргани келар эди.
Ойижоним ҳам мени ўксимасин деб болаларимга бозорни олди кийимларини олиб келиб кийдириб қўяар эдилар.
Мен хеч болаларимга алла айтмаганман, алла айтишни ҳам унчалик билмайман.
Мен болаларимга фақат қуръон ўкиб катта қилганман. Мен уларни эски аяси эмас ўз туққан онасиман. Қанақа эски саҳифалар ҳақида гапирганини билмадим-у, булар сири ва тухматлари очилиб қолишидан қўрқаябди. Чунки эри ва ўзи, мен ҳақимда бўлмағур гаплар тарқатиб юборишган экан.
(Аллоҳимга беадад шукурлар бўлсинки, мен ҳақимда тарқатган ёлғонлари очила бошлади. ) Мени Шведцияга қайтиб кела олмайди деб ўйлашган бўлса керакда?! Чунки мен "пасс"имни ёқиб юборганманку?! Лекин билишмадики мен болаларим учун хамма нарсага тайёрлигимни.
Мен ўғлимга телефон қилиб савол бердим: Мени онангиз деб тан оласизми ўғлим десам? келинг шу саволингизга жавоб бермай деб айтди.
Бахз Ибн Ҳаким (р.а.) отаси ва бобосидан ривоят қилди, бобоси айтди: "Расулуллоҳдан: "Эй, Расулаллоҳ, мен яхшилигимни кимга қилсам бўлади?" - деб сўрадим. "онангга", дедилар. Мен шу саволимни уч маротаба қайтарсам ҳам, Расулуллоҳ: "онангга", деявердилар. Тўртинчи маротаба сўраганимда: "отангга ва яқин бўлган қариндошларингга", дедилар.
Мен яна смслар ёздим жавоб бермади. Ҳозирги аяси айтдики ўғлим исломий тарбия олган экан улардан муфкин қори ва қориялар чиқади деб айтди, лекин мен уларда исломий тарбияни кўрмадим на салом беради, на берган саломингизга алик олади. Ўғлимни салом беришлиги ҳам қарз ҳам фарзку?! Буни ўғлим яхши билса ҳам амал қилмайди. " Ҳақиқатдан хар бир ота- она фарзандига, тарбия- одоб берар экан, энг аввало саломлашишни ўргатади.
Жахонда, одобнинг бу жиҳатига эътибор бермайдиган бирор миллат йўқ, бежизга доно ҳалқимиз " Гапнинг боши: Калом, одобнинг боши: Салом демаган." (Ижтимоий одоблар китобидан). Ҳақиқатдан Исломий тарбия беришган экан, нимага ўғлим ўз туққан Онасига "сиз" эмас, "сен" деб хат ёзади?! Негадир улар мендан қизимни беркитишаябди.
Ўғлимга ҳаттоки ёлғон гапиртиришаябди. мана мисоли: Ўғлимга телефон қилиб, ҳеч бўлмаса синглингиз билан гаплашай десам: Ҳозир олдимда эмас дарсда деди. Кейин 4-5 соатдан кейин телефон қилиб: Менга "дадам айтдики синглим Туркияда ўқишда деди.
Мен хайрон бўлдим сизлар бу ердасизлар, синглингиз ким билан у ерда? десам Ҳожи онам билан дедилар яаъни қайнонам билан экан. Мен яна Аллоҳни номи билан, қасам ичиб тўғрисини айтингчи!? Ўғлим ростдан Ҳожи онангиз билан синглингиз Туркиядами? десам: Ҳожи онам билан деб айтди.
Қачон кетган Туркияга десам: Анча бўлган Шведцияга фақат, тўй бўлса келади деб айтди. Ваҳоланки фақат тўйда эмас тўйдан олдин ҳам, қизимни Исломий дарсга ҳар ҳафта қатнаганини кўрганлар бор.
Мен эртасига Ойижонимга айтиб бердим ва суриштириб берингчи, Оналари ростдан қаерда экан десам, биласизларми нима жавоб эшитдим? Ҳожи оналари Андижонда уйида экан. Ҳеч қандай Туркияда эмас! Мен ўғлимга телефон қилдим жавоб бермади отбой берди ёки очмади телефонини. Кейин смс ёздим: Нимага Аллоҳни номи билан ҳам, ёлғон гапиртираябди сизни Дадангиз деб. Ҳожи Онасини Андижондалигини ҳам, ёздим куни кеча телефон қилсам жавоб бермади ва кейин ўзи телефон қилди. Нимага ёлғон гапирасиз ўғлим? десам: Мен Ҳожи онам билан демадим бувижоним билан дедим деб айтди. Энди у бувижонингиз ким? десам, ҳозирги Оналарини, Онаси мени қизим билан Туркияда эканмиш. Биламан қизим, ҳеч қандай Туркияда ҳам эмас шу ерда. Наҳотки 5 вақт намоз ўқиб, Исломий йўлдаман деган одам, ўғлини ёлғон гапиришга мажбурласа?! Ўғлимга олдин мен синглингиз билан кўришмоқчиман, деб айтганимда яна телефонда менга "дадам айтдики": синглим ойни охирида байрам бўлади шунда келади, ўшанда кўришасиз деди.
Мен дадаларига телефон қилганимда ҳам, қизим билан кўришмоқчилигимни айтганимда ҳам, ҳўп кўришасиз қизингиз билан, мен қарши эмасман деган одам, энди қизимни Туркияда деябди. Нимага ўшанда Туркияда ҳозир келсин кейин кўришасиз деб айтмади?! Мен ўғлимга смс ёзишдан тўхтамадим, илк ўғлим билан кўришганимизда мен савол бердимки: Ўғлим нимага Дадангларни 5 йил курмаганингизда, югургансизлар мени атига 1 йил кўрмаганийларга, мендан қочдинглар? десам, ўғлимни жавоби "билмайман"бўлди.
Ҳозир мени ўғлим укамга, мени у аёл деб айтибди. Нимага ўғлим Исломий тарбия олган бўлса, икки тарафни эшитиб одилона хукм чиқармаябди? Фақат дадасини Астохфируллоҳ оппоқ фаришта ўрнига қўйиб ҳақиқатларни айтган, сиз ёлғон гапираябсиз деб айтди. Қани бу ерда одилона ҳукм? Ўғлим ҳали мени ҳаётимни эшитмади.
Кейин куни кеча ўғлим укам билан, телефонда гаплашиб айтибдики: Мен ўғлимни 8 ёшида ташлаб кетибман. Азиз муслим ва муслималар айтингларчи?! 1996 йил туғилган бола 2007 йил 8 ёшда бўладими? Чунки мен 2007 йил дадасини алдови билан 1 ойга, Ўзбекистонга кетган эдимда. Кейин укам ўғлимга ҳисоблаб берибди 2005 йил неча ёшда илк Шведсияга келгану, мен кетаётганимда неча ёшда бўлган. Ўғлим жавоб бера олмай қолибди.
Мен ўғлим билан гаплашиб туриб у кишим (яаъни хўжайиним) ҳақида гап очсам, тўхтатинг! Дадам олдимда йўқ, йўқ одамни гапириб иғво қилманг деди. Шунчалик экан нимага оиласидагилар мен ҳақимда, гапираётганда уларга ҳам бундай жавоб бермади? Нимага мени ёмон кўрсатаётганда у аёл ҳақида гапирманглар! Ўзи йўқку, демай уларни эшитаябди? Улар айтган йўлдан юраябди.
Мен ўғлимга дадангиздан сўранг! Нимага ойимни таълоғини бермай туриб, сиз хозирги аям билан гаплашиб ҳамма нарсани ҳал қилиб қўйгансиз? деб сўрангчи десам, ўғлим менга, мен дадамдан савол бериб сўрамайман деди. Дадам нима деса тўғри гаплари деб айтди. Мен ҳалигача тушунолмаган нарсам у кишим у аёлини 2 йил олдин танишиб гаплашиб уйланамангача борган. Нимага мени Андижондалигимда таълоғимни бериб у аёлини, онасини олдига олиб келиб қўймади? Шу келинингиз энди сиз айтгандай бойни қизи деб.
Нима онасига хизматкор керак эдими ўзи уйлангунча? балки Андижонга у аёли борса уйи ва шароитини кўриб, айниб кетади деб қўрқдими? Мени у кишим банк картимдаги пулларни олиб ишлатганига, хеч ҳам, ажабланмадим чунки Онасини тарбиясини олган. Онаси ҳам мени юкларимни жўнатаётганда, сандиғимни ичидаги кийилган ва ишлатилган нарсаларимни солиб ва ишлатилмаган ёки тутилмаган нарсаларим ва яхши ниятлар билан сақлаб қўйган нарсаларимни олиб қолган экан.
У нарсаларни ўзи ёки ўғли, олиб берган бўлса хам майли эди. У нарсаларни менинг Раҳматлик Дадажоним олиб берган эди. 2004 йили қайнонам Ҳажжга бордилар кетишларидан олдин, у кишим Онасига пул жўнатиб опаси, синглиси ва менга 20грлик сипочка олибдилар. Онаси айтдики Ҳажждан келган куним уччаланга тақиб қўяман деб.
Айтганидай маҳалла кўй, қариндошларни ичида уччаламизга тақиб қўйди.
Лекин мени бўйнимдагини 40 кун деганда бўйнимдан ечиб олдилар! Чунки зиёратга келадиганлар келиб бўлган эдида.
Мен ҳам бу менга эмас эдими десам: йўқ бу қизингизга, катта бўлганда тақиб қўяман деб олдилар. Билмадим балки қизимга эмас, янги келинига сақлаб олиб қўйган бўлса керак у пайитда у кишим, хозирги аёли билан гаплашиб юрар ждида.
У кишим мени Онаси уйига олиб бориб қўй деса олиб бориб қўяр эди. Олиб кел деса олиб келар эди. Мени ҳаётим улар учун ўйинчоқ эди. Ҳоҳласа ўйнайди, ҳоҳламаса бир четга қўйиб қўяди.
Мени бир онажоним бор эди ( Аллоҳим Раҳматига олган бўлсин) шу онажоним, ўғлим қизимиз нима айб иш қилди яна олиб келибсиз? деса, қизингиз айб иш қилгани йўқ фақат ёлғон гапиришни билмайди, ростгўй деган эди. 1999 йили декабрда қайнонам мени яна уйига олиб бориб қўй деди.
Мен уйга қорнимда 2 ойлик бола билан кетиб яшай бошладим. 6 ой уйда яшадим. 2000 йилнинг ёзида қайнотам раюматлик оламдан ўтдилар.( жойлари Жаннатда бўлсин илойим) қайнотам жуда яхши инсон эдилар, лекин кўп оғрир ва хар-хил дорилар ичар эди. Ҳар доим мени дуо қилар эди. Болаларимни жуда яхши кўрар эди, айниқса ўғлимни. Қайнотам ётоққа ётиб қолишидан олдин ўғлимни, соғинганидан бизни уйимизга кириб, ўғлимни курткасини олиб чиқиб ўзлари ётган краватни, кўринадиган ерига илиб қўйиб караб ётар экан! Ва катта овсинимга неварамни жуда соғиндим кўргим келди, хозир нима қилаётган экана? деб йиғлар эканлар. Нур ичида ётсин илойим. Қайнонамдан бир мен эмас! Қайнотам юам жуда кўп азиат чекканлар. Ўша вақтлар қайнонамни, қайноналари яаъни катта бувамиз раҳматлик бор эди. Ўша катта бувамиз, хар ҳафта чоршанба куни кечки пайитда, пайшанбаликка келар эди. Аллоҳни менга мехрибонлигими билмадиму, шу катта бувамиз келганда, мен шҳонада иш қилаётган бўлар эдим ва келибла мени имлаб дарвозаюонага, чқирар эди. Кейин олдиларига борсам қизим бу уйдагилар сизни ҳафа қилишмаябдими? Қаттиқ гапиришмаябдими? Ҳомиладорсиз яқин кунларингиз қолди ўзингизни эхтиёт қилинг қизим дер эдилар. Шундай кунларни бирида қайнотамниқирқини, ўтказиб бўлганимиздан кейин қайнонам, бир қошини учириб олдимга келди ва сизни ҳонангизда катта бувангиз кутаябди, киринг олдиларига! деди. Ва мен уйимга кирдим, ўшанда катабувамиз менга шундай дедилар: қизим мен сизни онангизни дадаларини танир эдим, яхши инсонлар эди, борди келди қилар эдик. Ва мен сизни қайнонангизни ўзимни ҳоламни қизи деб ўғлимга олиб берган эдим. Ўзимники ўз томиримга болта урди ва мен анча йиллар ўғлим билан борди келди қилмадик.
Мен холамни қизини олсам, менга яқин бўлиб меҳрибон бўлар деб ўйлабман, лекин адашган эканман қизим деб йиғладилар.
У кишимни қонида бор онани боладан, ажратишлик яаъни кўрсатмаслик, энди мен ҳам кела олмайман сиздан ҳол-аҳвол, сўрай олмайман, ўзингизни эхтиёт қилинг! Кўп ўзингизни ўтка, чўққа урмай ишингизни қилаверинг! Бари-бир қайнонангиз билмайди деб айтдилар. Катта бувамиз айтганидай бизни оиламизда 4 опа-укамиз ва уларни ҳаммаси бахтли. (Доимо шундай бўлсин илоҳим) фақат мени ҳаётим бўлмади. Аммо у кишимни оиласида 6 фарзандлар, шу 6 фарзандни 3 таси яаъни болаларимни дадаси ва 2 та акасииккинчи турмуши билан яшайди. Мен 2000 йили 6 ой ўз уйимда яшадим, ва шу 6 ой ичида у кишим(яаъни хўжайиним) хотинбозлик қилиб юрган экан! Ўша пайитда ҳам, у кишим мендан ажрамай туриб, бир қизга уйланаман деб учрашиб юрган экан! У қизни олдига у кишим кечаси саот 1-2ларда борар ва у қиз уйидан чиқиб, ҳеч ким йўқ ерда гаплашиб ўтиришар экан! Менга буни ўзи айтиб берган! Соатини у кишим у қизни расмга олиб юрар экан. У кишим Шведцияга чиқишдан олдин биз 3-4ой Тошкентда яшадик. Чунки у кишим Тошкентда таксистлик қилаётган эди ва у кишимни икки акаси Тошкентга қатнар эди. Катта акасига бир дафтарни уйдан олиб келиб беришини сўради. У кишим йўқлигида Андижондан олиб келган елим халтасини менга берди ва мен ичини очдим, ичида пул ва дафтар бор эди. Дафтарни ичида конверт ҳам бор эди уни очганимда ўша Андижондаги уйланаман деб юрган қизининг кечалари чиқиб тушган расмлари бор эди. У қиз билан гаплашишини оиласидаги ҳаммаси билар экан! У кишим Шведцияга чиқиб кетгандан кейин телефон қилган у қиз уйига бу ерга келиб ҳам шу йўлни тутди. Мендан ажрамай туриб, бошқасига онасини совчиликка жўнатди. Ўғлим у кишимни ҳозирги аёли билан, мен никоҳида туриб танишганини ундай эмас. Улар кейин таништшган дедбди. Азиз муслималар айтингларчи!? мен ёлғонн гапираётган бўлсам, ўғлимга унда у кишимни Андижондаги қўшнилари ҳам, ёлғон гапиришиябди эканда? Айнан ҳозирги аёлини ота-онаси у кишимни сўраб Андижонга у кишимни маҳмлласига кирган. Қўшнилар айтди менга. Ўғлим учун ҳамма ёлғончи, дадаси эса ростгўй эканда? Бўлмасам мен иккинчи маротама, Андижонга кетаётганимда у кишимга, болаларимни омонат қолдирганман ва у кишим омонатимга хиёнат қилди. Яна қайтиб келсанг, мен сенга ёрдам бераман деб ёлғон гапирган, ваҳоланки мени қайтиб келишимни билиб Туркияга қочиб кетган.
Аллоҳ таоло:
«Албатта, Аллоҳ сизларни
омонатларини ўз эгаларига
топширишга буюради» (нисо
сураси, 58-оят);
«Албатта биз бу омонатни (яъни,
Ислом шариатидаги тоат-
ибодатларни) осмонларга, ерга ва
тоғу тошларга рўбарў қилган эдик,
улар уни кўтаришдан бош
тортдилар ва ундан қўрқдилар.
инсон эса уни ўз зиммасига олди.
дарҳақиқат у (ўзига) зулм
қилгувчи ва нодон эди» (аҳзоб
сураси, 72-оят), деб айтган.
200/1. Абу Ҳурайрадан р.а. ривоят
қилинади. Расулуллоҳ с.а.в. :
«мунофиқнинг аломати учтадир.
агар сўзласа, ёлғон гапиради. агар
ваъда берса, унга хилоф қилади.
агар омонат қўйилса, хиёнат
қилади», дедилар. имом бухорий
ва муслим ривоятлари.
У кишимни болаларимга айтиши бўйича, мен ёмон одам бўлсам, улар Ислом йўлидаги одамлар бўлса, нимага у кишим болаларга яхшилик қилишдан бошламади? Олдин яяшиликни ўз оилангиздон бошланг дейилганку?! Нимага мен ёмон бўлсам болаларим орқали бу йўлдан қайтармади? Сақол қўйиб намозини ўқиб, Ислом йўлида экан нимага иғволарни тарқатди? Мени бир Қирғиў таниш дугонам бор эди у аёл менга айтдики: у кишим мени ўз пастелимда бошқа эркак билан ушлаб олган экан. Мен буни қаердан эшитганини сўрасам, эри айтганини айтди. Бундай сўзлар омонатга хиёнат қиладиган ёлғончи ва тухмат қиладиган эркакдан чиқиши мумкин! У кишим шундай инсонки, кейинчалик ёлғонларимни таги очилса қандай таъсир қилади деб ҳам ўйламаган Аллоҳим ҳаммамизга инсоф берсин! Ёлғон дунё деб фоний дунёни унутмайлик! Ин ша Аллоҳ Аллоҳим иймонимизни мустахкам қилсин! Аллрҳим барчамизни тўғри йўлдан адаштирмасин!
Ўғлим синглим ойни охирида келади деган эди. Қайси куни десам 29 чида деб айтди. Мана бугун роса телефон қилдим ҳеч ҳам жавоб бермади смс ёздим унга ҳам жавоб йўқ. Нимага дадаси вада бериб, вадасини устидан чиқмади? Мен ҳалигача тушуна олмаймаябман, Исломда умид қилдириб қўйиб, ёлғон гапириб бировни алдаш бормикин? Ўша кишим ўғлимни ёлғон гапиртираётганида ўйламаябдимикин? Ўғлимни охиратини куйдириб қўймаяпманми деб!? Ўғлим у кишим ёлғон гапиртираётганда ҳам билмаябдимикин қандай инсонлигини?
Қачонгача беркитишар экан?! Мендан қизимни. Лекин мен Ин ша Аллоҳ курашишдан қайтмайман. Болаларим учун ҳам курашаман. Ўғлимни ҳам оҳиратини куйдиришга йўл қўймайман Ин ша Аллоҳ, ўғлим менга айтдики: синглинг келгандан кейин тўрталамиз ўтириб гаплашамиз деган эди. Мана кеча ҳозирги аёлига телефон қилдим бошида телефонни ўчириб қўйишибди. Орадан анча вақт ўтгандан кейин ёқишди иккаласи ҳам, лекин мени 'Блокка' қўйгани учун, уларга номеримни кўрсатмасдан телефон қилдим. Мен билан гаплаша олишмади, у кишим телефонини қизил тугмасини эзиб қўйди. Нимага болалар билан юзма-юз гаплашишимдан қўрқаябди? У кишим. Нимага қизимни беркитаябди мендан? Болаларни олдида ёлғонлари очилиб қолишидан қўрқаябдимикин? Ҳақиқат эгилади букилади, лекин синмайди.
Буларни айтишни унутибман ука деб, 12 февральдан, ҳозирги вақтгача бўлган воқеаларни айтиб берди.
Олдин 12 февральгача бўлган, воқеани айтиб берган эди.
Бу опамизга сабр ва куч қувват тилайман, Аллоҳ сабр берсин!
Бу воқеа ҳали давом этмоқда, ҳали кўп ёзасиз деб гапини тугатди.
Муаллиф: Шерали Гулаев.
Следующая публикация
Нет комментариев