Предыдущая публикация
Вітаю, сябры) Два апошніх дні напачатку гэтага тыдня былі напоўнены у мяне самымі рознымі падзеямі, а тут яшчэ каляндар мой сцвярджае: "Ліхтар.
запалены для іншага, асвятляе шлях і табе" (Буда).
Так і ёсць на самай справе, пераканалася ў гэтыя дні! Нават і не ведаю, з якіх падзей распачаць...Мабыць, будзе правільней, з учарашніх. Шэрым восеньскім днем, пасля планавага наведвання розных медыцынскіх устаноў, адвячоркам запаволілася ўрэшце, патрапіўшы ў гістарычнае месца - Музей Якуба Коласа на прэзентацыю каляндара знакамітай мастачкі Аксаны Аракчэевай - "Мінскія вокны" 2025.Такая цеплыня і супакой зыходзіць ад малюнкаў, якія змяшчае каляндар! Такое ўсё роднае і блізкае... Усцешана тым, што набыла каляндар з аўтографам ад сонечнай, жыццялюбівай спадарыні Аксаны).
Дарэчы, кніга "Фанечка. Мандарынавая гісторыя", якую напісала Аксана Барысаўна прагучала на маім канале "Казкі на канапе" два гады таму)! Запрашаю) https://www.youtube.com/watch?v=M7HoG9X9uuY&t=45s Але прыемнасці на гэтым не скончыліся ў гэты вечар, яны мелі працяг! Нечакана атрымала ў падарунак кнігу "Краіна вымярэнія" з аўтографам ад самога аўтара, беларускага пісьменніка, паважанага Алега Грушэцкага. Кніга незвычайная па зместу, падрабязней аб ёй планую распавесці на медыякантэнце "Казкі на канапе" у бліжэйшы час. Урыўкі з трылогіі Алега Леанідавіча пра рыцара Янку і каралеўну Мілану таксама гучалі не так даўно на маёй казачнай канапе) https://www.youtube.com/watch?v=vHyVGSRJZ1c&t=298s https://www.youtube.com/watch?v=XticXPcXguU&t=30s На імпрэзе сустрэлася з прыязнымі сэрцу людзьмі: пісьменніцай Тамарай Пятроўнай Бунта і супрацоўнікам абласной бібліятэкі імя А.Пушкіна Таццянай Анатольеўнай Лаўрык.
Шчаслівая вярталася дадому...
Следующая публикация
Комментарии 2