Сагаалганай амаршалга - Поздравления на Сагаалган

Һайхан юм даа, Буряаднай,
Һаруул hайхан нютагнай,
Шэнэ жэлээр! Шэнын нэгэнээр!
Сагаан hараар! Сагаалганаар!
******************************
Сайн байна! Сагаан hараар! Сагаалганаар!
Сагаан hарынгаа үглөөе
Сарюун хангалаар угтаял!
Сагаан сэдьхэлнай баясаг лэ,
Сагаймнай байдал hайжараг лэ!
Сахилгаан хурса гэрэлтэй
Сахюусанууднай хараг лэ!
**************************************
Арюун Сагаан hараар,
Арад зоной найраар
Сагаан сэдьхэлhээ бэе бэедээ
Золгоёл даа, мэндэ-ээ!
*************************************
-Буруун булшантай, дааган далантай гү?
-Буруумнай булшантай, даагамнай далантай
Ондо оробобди.
- Саг хубилжа, саган эдеэн дэлбэрбэ гү?
- Сагаан эдеэмнай дэлбэржэ,
Һаба hуулгаараа билтаржа байна,
Харин таанад хэр сагаалнат?
- Һайн даа, тарган тайбан.
- Хүн бүхэмнай нэгэ наhа нэмэжэ,
Тугалнай бурун, буруумнай хашараг,
Унагамнай дааган, даагамнай шүдэлэн,
Хурьгамнай түлгэ, тулгэмнай шулгэ болобо.
******************************************
Амар мэндэ, аригуун баян,
Түүхэ домогто Сагаан hара!
Аяар холын арадайм заншал,
Түрэлхиим hайндэр, түмэнэй найр!
Һарын шэнын нэгэн,
Һаншаг сагаан Сагаалган!
*****************************************
Yхибүүдтэ:
Жэлээ орулжа ябанат!
Элдэбын харгыда төөрингүй,
Эжынгээ хэлэhээр ябаарай!
Асатай харгыда төөрингүй,
Абынгаа хэлэhээр ябаарай!
Абынгаа нютагта баян боложо,
Эжынгээ нютагта эрдэм оложо ябаарай!
Ухаан бодолой эрдэм шудулагты,
Ута hайхан наhа эдлэгты!
Утаатай үргэн гуламтадамнай
Унтаршагуй унай бадараг лэ!
**************************************
Сагаан эдеэтэй сүршэжэ байхамнай болтогой!
Сагаан зантай солотой hуухамнай болтогой!
Сагаан замтай сарюун ябахамнай болтогой!
Сагаан сэдьхэлэй
Сог зали бадаруулхамнай болтогой!
#Cагаалган #Сагаанhара #Белыймесяц #Новый_год_по_восточному_календарю #благопожелания #поздравления_к_Сагаалгану #уреэлнууд #юроолнууд #амаршалга