Предыдущая публикация
Скарбы з куфраў
Як жылі нашы продкі? Якім чынам узважвалі прадукты і чым гладзілі адзенне? Якая роля аддавалася поясу ў народным строі? Як выкарыстоўвалі ў гаспадарцы посуд, які называлі «спарыш» і «рынка»? І чаму драўляная кадушка – дзежка – стала важным сімвалам для жанчын, якія збіраюцца замуж, а рушнік – вясельным аксесуарам у цэлым?.. #bolshoibelarus92
У аўторак, 28 студзеня, у 18:10 (перад операй Ул.Солтана "Дзікае паляванне караля Стаха") мы чакаем нашых любімых гледачоў у Вялікім тэатры, каб адкрыць "Скарбы з вясковых куфраў". Так называецца выстава, якую Вялікі тэатр ладзіць сумесна з Музеем старажытнабеларускай культуры. Даўні сябар тэатра – загадчык аддзела старажытнабеларускай культуры Інстытута мастацтвазнаўства, этнаграфіі і фальклору Нацыянальнай акадэміі навук Беларусі Барыс Лазука ўжо збірае два вялікія куфры з сапраўдным скарбам – прадметамі, якія акружалі нашых продкаў.
Посуд, наміткі, абразы, маляванкі, дакументы, фатаграфіі, падарункі, каштоўныя рэчы… Што захоўвалася ў куфрах і чаму гэтыя прадметы знаходзіліся менавіта ў іх? І ці можна самі куфры лічыць творамі мастацтва? Шмат пра што пагаворым на адкрыцці выставы, якую прадставяць Барыс Лазука і яго калегі - навуковы супрацоўнік Паліна Богдан і галоўны захавальнік фондаў Вольга Кір'янава.
Посуд, наміткі, абразы, маляванкі, дакументы, фатаграфіі, падарункі, каштоўныя рэчы… Што захоўвалася ў куфрах і чаму гэтыя прадметы знаходзіліся менавіта ў іх? І ці можна самі куфры лічыць творамі мастацтва? Шмат пра што пагаворым на адкрыцці выставы, якую прадставяць Барыс Лазука і яго калегі - навуковы супрацоўнік Паліна Богдан і галоўны захавальнік фондаў Вольга Кір'янава.
Следующая публикация
Нет комментариев