Предыдущая публикация
Երևի բավ է , որ մնամ ցածրում,
Բոլորին հարգեմ` ինձ մոռանալով,
Բոլոր մտքերս փակեմ իմ ներսում,
Ձեր մտքերի հետ հաշվի նստելով....
Երևի բավ է, որ ես կեղծ ժպտամ,
Ուժեղ ձևանամ` լացս զսպելով,
Ձեր ցավը կիսեմ, բուժեմ, ամոքեմ,
Իմը իմ ներսում լոկ բորբոքելով...
.... Կյանքս դեռ չապրած, այն ձեզ նվիրեմ,
Տառապեմ չապրած մի ամբողջ կյանքով,
Պայծառ գույներով ձեր կյանքը ներկեմ,
Ես բավարարվեմ միայն բառերով....
Երևի բավ է, ես գնամ արդեն,
Ապրած ու չապրած իմ տարիներով...
Lusine Nazaretyan
20.04.2017 թ.
Следующая публикация
Нет комментариев